Fan yuqori malakali mutaxassislar tayyorlovchi va ulardan foydalanuvchi, ilg‘or pedagogik va axborot texnologiyalarini ishlab chiqaruvchi sohadir. Fan

Qadimgi  Italiya san’ati Antik madaniyatning sо‘ngti uchog‘i Italiyadir. Bu yerda eramizdan avvalgi 3-2 minginchi yillarda shaharlar mavjud bо‘lgan. Me’morlik qoldiqlari, temirdan, bronzadan yasalgan mehnat qurollari, zebu ziynat buyumlari shundan dalolat beradi. Italiyada bir qancha qabilalar yashagan. Shulardan biri italiy qabilalari bо‘lib, ular yashagan yerlarni (hozirgi Rim atrofi), Italiya deb ataganlar. Keyinchalik butun Apenin oroli Italiya deb yuritila boshlagan. Italiya, uning tuprog‘ida maydonga kelgan Rim davlati esa jahon madaniyatining ravnaqiga katta hissa qо‘shdi.

Eramizdan avvalgi VII asrdan to yangi eraning V asriga qadar bо‘lgan о‘n ikki asr mobaynida italiyaliklar san’ati va badIIy madaniyati о‘zining gullagan davrini boshidan kechirdi. Qadimgi dunyoning yirik davlatlaridan hisoblangan Rim imperiyasi paytida katta hajmdgi me’morlik ansambllari vujudga keldi, me’morlikning yangi tiplari paydo bо‘ldi. Ita­liyaliklar qadimgi Gretsiya san’ati va madaniyatiga zо‘r hurmat bilan qaradilar. Uni ijodiy о‘zlashtirdilar, iazariyasini yangi ilmiy bilimlar bilan boyitdilar. Realistik portret, tarixiy mavzudagi relyef yaratish, mozaika, amaliy san’at borasida novatorlik namunalarini kо‘rsatdilar.