"фан ва технологиялар тарақҚиёти" журналида мақола эълон қилиш талаб ва шартлари

Муаллифлар учун
“ФАН ВА ТЕХНОЛОГИЯЛАР ТАРАҚҚИЁТИ” ЖУРНАЛИДА МАҚОЛА ЭЪЛОН ҚИЛИШ ТАЛАБ ВА ШАРТЛАРИ.
Ҳурматли муаллифлар!
“ФАН ВА ТЕХНОЛОГИЯЛАР ТАРАҚҚИЁТИ” журналининг таҳририяти шуни сизга маълум қиладики, бошқа оммавий ахборот воситаларида (ОАВ) олдин эълон қилинган мақолага айнан ўхшаш (ўша муаллифлар, сарлавҳа ва мазмун билан) мақолалар қабул қилинмайди.
Ўзбек, рус ёки инглиз тилида ўз мақолаларини таҳририятга топшираётган муаллифлар, ўхшаш мақолаларни таҳририятнинг ваколати ва ёзма рухсатисиз бошқа ОАВда эълон қилмаслик мажбуриятини ўз зиммаларига оладилар. Бундай келишувга риоя қилмаган муаллифлар билан ҳамкорлик қилмаслик ҳуқуқини таҳририят ўзида қолдиришини маълум қилади.
Умумий талаблар. Мақолалар матни таҳририятга компьютерда териб чиқарилган оригинал ва электрон нусхаларда тақдим этилади. Мақоланинг оригинали тоза қоғозда, букланмаган ва тузатишларсиз бўлиши лозим. Компьютерда териб чиқарилган оригинал нусха, электрон нусха билан тўлалигича айнан бир хил бўлиши шарт. Мақола билан унинг электрон варианти СD – дискда, флешкада (вирусларсиз), телеграмм ёки электрон почта орқали қабул қилинади.
Чоп этишга тайёр мақолаларнинг қоғоз варианти таҳририятга муаллифлар томонидан топширилади ёки муаллифнинг манзили (бошқа шаҳарликлар учун) кўрсатилган ҳолда почта орқали узатилади.
Диққат! Мақоланинг охирги бети албатта муаллиф(лар) томонидан имзоланган бўлиши шарт.
Электрон нусха. Мақола Microsoft Office Word (2003, 2010, 2013) матн муҳарририда терилиши лозим!
Мазмуни. Мақолада: ечиладиган муаммо ва масаланинг қўйилиши, тадқиқот объектининг ёритилиши, тадқиқот жараёнида эришилган ютуқ, даража, олинган натижаларнинг янгилиги, уларнинг қўлланилиш соҳалари ўз аксини топган бўлиши лозим.
Мақола хулоса билан якунланиши зарур. Хулоса (хулосалар) матнда алоҳида хат бошидан (абзац) терилиб, унда натижаларнинг янгилиги, амалда тадбиқ этилиши, самарадорлиги ва бошқа якуний маълумотлар мужассамлашган бўлиши керак.
Мақола ҳажми 5–10 бет (расмлар, жадваллар ва библиографик ҳаволалар рўйхати билан бирга) бўлиб, тўлиқ бет билан якунланиши лозим.
Бетларнинг параметрлари. Формат А4 (210×297). Ҳошиялар: ўнг томондан:– 2,5 см, чап томондан: – 2,0 см, юқори ва пастдан – 2,0 см.
Матн: Шрифт – Тimes New Roman, ўлчами – 12 пт., оралиқ – 1 интервал.
Матнни катта (бош) ва қорайтирилган ҳарфлар билан (муаллифларнинг фамилияси ва мақоланинг номи бундан мустасно) териш, шунингдек, кўрсатилган элементларни рамкага жойлаштириш, бошқа шрифтларда териш ва турлича тақлидлар қилишга рухсат этилмайди!
Илмий мақолани “ФАН ВА ТЕХНОЛОГИЯЛАР ТАРАҚҚИЁТИ” журнали таҳририятига тақдим этишда муаллиф(лар) қуйидагиларнинг мавжудлигига ишонч ҳосил қилиши зарур:

• 
  Муаллифнинг хоҳишига кўра мақола ўзбек, рус ёки инглиз тилларининг бирида расмийлаштирилиши мумкин, бироқ бунда қуйидаги маълумотлар албатта ўзбек, рус ва инглиз тилларида бўлиши шарт:
  
• 
  мақоланинг номи (ўртадан қорайтирилган бош ҳарфлар билан);
  
• 
  муаллиф (лар) нинг Ф.И.О. (ўртадан қорайтирилган ҳарфлар билан)