«фан ва тараккиёт» дук камолов турсунбой очилович

Тадқиқотнинг амалий натижалари қуйидагилардин иборат:
псевдосуюлтиришли сепарациянинг рудалари, концентратлари ва компонентларининг солиштирма оғирлик фарқидан фойдаланган ҳолда ККЧ макрокомпонентларини бойитиш ва ажратиш усули ишлаб чиқилган;
аммоний фторидини қўллаган ҳолда ва Fe₂O₃, Al₂O₃, оқ сажа ва ноёб ер элементлари концентратини олиш билан бир қаторда макрокомпонентларни – алюминий, темир ва кремний – ажратиб олишнинг бирлаштирилган технологияси ишлаб чиқилган;
ноёб ер элементларини турли «Пьюролайт» катионитларида жамлашнинг сорбция усули яратилган ва уларни ажратиб олишнинг оптимал шароитлари аниқланган.
Тадқиқот натижаларининг ишончлилиги замонавий компьютер ва дастурий воситаларидан фойдаланган ҳолда бошланғич хомашё ва технологик қайта ишлаш махсулотларининг кимёвий ва минерологик таркибларини аниқлаш учун муаллиф томонидан замонавий физик-кимёвий усулларни қўлланнган шароитда ўтказилган йирик ҳажмдаги ҳолда лаборатор ва йириклаштирилган-лаборатор экспериментларга асосланган.
Тадқиқот натижаларининг илмий ва амалий аҳамияти:
илк бор Ангрен ва Янги-Ангрен ИЭСлари қаттиқ ёнилғисининг ёниш махсулотларининг қайта ишлаш технологиясининг янги дифференцияланган технологик-минерологик ёндашув асосини ташкил этувчи ушбу махсулотларнинг кимёвий ва минерологик таркибини тизимли комплекс ўрганиш амалга оширилди;
аммоний фториди, сульфат кислотасини қўллаш билан макро- ва микрокомпонентларнинг кимёвий ўзаро таъсири рўй беришининг термодинамик ва кинетик қонуниятлари ҳамда жараёнга турли омилларнинг (ҳарорат, концентрация) таъсири аниқланди;
ИЭС композицион чиқиндиларини қайта ишлаш бўйича технологик тадқиқотлардан олинган назарий маълумотлар асосида уларни қайта ишлашнинг техник-иқтисодий асослаш ўтказилган.
Тадқиқот натижаларининг жорий қилиниши. Ангрен ва Янги-Ангрен ИЭСлари ККЧларини қайта ишлаш комплекс технологиясини ишлаб чиқиш бўйича:
ишлаб чиқилган марказдан қочма кучлар ёки қайновчи қатлам асосида циклонларда рудалар, концентратлар ва қоришмалар компонентларининг солиштирма оғирлиги фарқидан фойдаланган ҳолда ККЧ макрокомпонентларини ажратишнинг бирлашган технологияси «Ангрен ИЭС» АЖ амалиётига тадбиқ этилган. («Ангрен ИЭС» АЖнинг 2020 йил 9 декабрдаги 01/1446 АФ-сон маълумотномаси). Натижада, макрокомпонентлар ажратиб олиш имконини берган;
«Пьюролайт» катионитларида ИЭС композицион кул чиқиндиларининг микрокомпонентларини сорбцион ажратиб олиш (камёб ва камёб ер металларни – галлий, церий, лантан, скандий ва ванадийни – ажратиб олиш; ишқорлаш самарадорлигини ошириш) «Олмалиқ КМК» АЖ қошидаги мис эритиш заводининг камёб металларни олиш цехида жорий этилган («Олмалиқ КМК» АЖнинг 29 декабрдаги 63-500-сон маълумотномаси). Натижада, камёб ва камёб ер металларни – галлий, церий, лантан, скандий ва ванадийни – ажратиб олиш; ишқорлаш самарадорлигини ошириш имкони берган;
турли «Пьюролайт» катионитларида камёб ер металларини сорбция усулида жамлаш ва уларни ажратиб олишнинг оптимал шароитлари «Олмалиқ КМК» АЖ қошидаги мис эритиш заводининг камёб металларни олиш цехида жорий этилган («Олмалиқ КМК» АЖнинг 2020 йил 29 декабрдаги 63-500-сон маълумотномаси). Натижада, «Пьюролайт S-930» сорбентида галлийни сорбциялаш самарадорилиги 92 % ни ташкил этиш имконини берган.