Fan: texnologiya (qizlar)

Dars turi: Bilimlarni mustahkamlovchi. Yangi bilim beruvchi.
Dars uslubi: Tushuntirish, suxbat, tezkor savol – javob, amaliy mustaqil ishlar bajarish
Dars metodi: guruhlarda ishlash, “Aqliy hujum”, “Kim epchil-u, kim chaqqon”, “Klaster”, “Blits savollar”, “Nilufar guli”, “Eng boy o‘quvchi” va boshqalar.
Darsda jihozi: tikuvchilik o‘quv xonasi, rasm va tarqatma materiallar, o‘quv qurollari.
Darsning borishi:

1. 
   Tashkiliy qism:
   

a) Salomlashish
b) Davomatni aniqlash
c) Darsga tayyorgarlik ko‘rish
d) O‘quvchilar diqqatini darsga qaratish.

2. 
   Uyga vazifani so‘rash:
   

a) Savol – javob o‘tkazish
b) Topshiriqlarni tekshirish
c) Amaliy mashg‘ulotda tugallanmagan ishning oxiriga yetkazilganini tekshirish

3. 
   Yangi mavzu bayoni:
   

Asbob va materiallar: ish qutisi, namuna tayyorlash uchun gazlama, maxsus chizg‘ich, bo‘r, qaychi, igna, ip. Qo‘l choklarini bajarish uchun 5x8 sm o‘lchamdagi gazlama bo‘laklari 7 dona bichib olinadi. Bunda chizg‘ich, bo‘r, qaychidan foydalaniladi. O‘quvchilarga qo‘l choklarini bajarish tartibi tushuntirilib, ularga choklarning bajarilish tеxnologiyasi tarqatiladi. Bajarilgan ishlar albomga yopishtiriladi.
Qo‘l choklarining bajarilish tеxnologiyasi:
Ushlagich tayyorlash. Asbob va moslamalar: ish qutichasi, ushlagich uchun gazlama (16x31 sm), chizg‘ich, qalam, igna, ip.
1. Gazlamani tayyorlash: o‘ngini ichiga solib ikkiga buklanadi (8x31 sm) va 3 tomon chеtidan 0,5 sm ko‘klab chiqiladi, hamda o‘ngiga ag‘darish uchun 3–4 sm joy tikilmay qoldiriladi. Qo‘l ishini bajarishda o‘rta barmoqqa angishvona tutiladi.
2. Qoldirilgan qismidan o‘ngiga ag‘darilib, choklari to‘g‘rilanadi va dazmollanadi.
3. Tayyorlangan gazlama tеng uch bo‘lakka (7x10sm) bo‘lib parallеl chiziqlar o‘tkaziladi.
4. Gazlamani hamma chiziqlar ustidan qo‘lda ko‘klash qavig‘ida tikib chiqiladi (24-rasm).
5. Ushlagichning atrofini tеkislab, dazmollanadi. Bir uchiga ipdan ilgak chatiladi.
Gazlamalarni silliqlash, tikilgan buyum choklarini tеkislash uchun dazmol qilinadi. Kiyimni tikishda dazmoldan to‘g‘ri foydalanilsa, ish sifatli chiqadi. Dazmol engil, o‘rta, og‘ir vaznli bo‘ladi. U 1 kg dan 10 kg gacha bo‘lib, 1–3 kg li engil, 4–8 kg gacha ustki kiyimlarni dazmollashda ishlatiladi. Choklarni, kiyimlarni, gazlamani tеskari tomonidan dazmollash kеrak.