Фан: соҳада ахборот технологиялари

Ахборот узатиш процедураси - тизимга маълумотларни киритиш ва узатиш жараёнидан ташқари, тармоққа маълумотларни рақамли шаклдан аналог шаклга ўтказиш ва аксинча амалларни, шунингдек, хабарларни чиқариш операциялари, киритиш ва чиқариш назоратини, маълумотларни химоя қилишни ўз ичига олади.

• Ахборот узатиш процедураси - тизимга маълумотларни киритиш ва узатиш жараёнидан ташқари, тармоққа маълумотларни рақамли шаклдан аналог шаклга ўтказиш ва аксинча амалларни, шунингдек, хабарларни чиқариш операциялари, киритиш ва чиқариш назоратини, маълумотларни химоя қилишни ўз ичига олади.
• Ахборотни қайта ишлаш тартиб - таомиллари ахборот технологиялари ичида энг асосий ҳисобланади. Қолган процедуралар ёрдамчи характерга эга.
• Автоматлаштирилган ахборот технологиялари (ААТ) - ишлаб чиқилган дастурий таъминотни қўллаган холда бошқарув масалаларини хал қилиш учун мунтазам ахборотни тўплаш, рўйхатдан ўтказиш, узатиш, сақлаш, қидириш, қайта ишлаш ва ҳимоя қилиш усулларини ва воситаларини, унинг ёрдамида мижозларга маълумот тақдим этишни ўз ичига олади.
• Автоматлаштирилган ахборот технологияларининг асосий мақсади - бирламчи маълумотларни қайта ишлаш орқали янги сифатли ахборотни олишдир, бунинг асосида оптимал бошқарув қарорлари ишлаб чиқилади.

1.2. Ахборот технологияларининг ривожланиш босқичлари.

• Ахборот технологиялари ривожланиши тўғрисида компьютерлардан фойдаланиш билан боғлик бўлган белгилари орқали фарқланувчи бир неча фикрлар мавжуд. Шахсий компьютернинг пайдо бўлиши билан ахборот технологиялари ривожланишининг янги босқичи бошланганлиги барча ёндашувлар учун умумий ҳисобланади. Асосий мақсад - бу инсонларнинг шахсий эҳтиёжлари ҳамда профессионал соҳа ва кундалик ҳаёт учун зарур ахборотга бўлган эҳтиёжларини қондиришдир.
• Фарқланишнинг ўзига хос хусусияти - технология воситаларининг турлари.
• Биринчи босқич (ХIХ асрнинг иккинчи ярмигача) "қўлда" ахборот технологияси, унинг воситалари: қалам, сиёҳ, китоб эди. Алоқа қилиш почта орқали хат, пакет ва жўнатмалар юбориш тарзида амалга оширилар эди. Технологиянинг асосий мақсади ахборотни керакли шаклда такдим этишдир.
• Иккинчи босқич (ХIХ аср охиридан бошлаб) "механик" технология бўлиб, унинг воситалари: ёзув машинкаси, телефон, илғор почта жўнатмалари билан жиҳозланган диктофон. Технологиянинг асосий мақсади ахборотни тўғри шаклда янада қулайрок усулда тақдим этишдир.