Sana: «___» _____________ 201__ y.
Fan: «Geometriya» Dars-1
1-Mavzu: Geometriyaning vujudga kelish tarixi, geometrik shakllar va jismlar.
Darsning maqsadi:
Ta’limiy: Geometriyaning vujudga kelish tarixi haqida tushunchaga ega bo’lish.
Tarbiyaviy: O’quvchilarda tabiatga mehr uyg’otish, ona vatanni sevishga da’vat etish
Rivojlantiruvchi: O`quvchilarning fazoviy tushunchalarini kengaytirish
Tayanch kompetensiyalar:
Axborot bilan ishlash kompetensiya elementi: mavzu doirasida ko’rsatilgan multimedia ilovalariga ongli munosabat bildirish.
Fanga oid kompetensiyalar: o‘rganilgan geometrik faktlarni tushuntirib bera oladi, tegishli misollar keltira oladi;
Perpendikulyar to‘g‘ri chiziqlarni, burchaklarning asosiy turlarini (masalan, to‘g‘ri, o‘tkir, o‘tmas burchaklar) tassavur qila oladi, solishtira oladi va tasvirlay oladi; berilgan burchak kattaligini, kesma uzunligini va masofani o‘lchay oladi va chamalab baholay oladi, kesma va burchaklarning kattaligi bo‘yicha solishtira oladi va tartiblay oladi.
Dars turi: yangi tushuncha va bilimlarni shakllantiruvchi
Dars jihozi: darslik, konspekt, ko’rgazmali qurollar, chizg’ich, sirkul
Tashkiliy qism:
Salomlashish
Navbatchi axborotini tinglash
Ajdodlarimiz qoldirgan buyuk me’ros haqida suxbat o’tkazish.
Uy vazifasini tekshirish
Asosiy qism
Geometriya fani qadimgi Yunonistonda fan sifatida shakllandi. Buyuk yunon faylasuflari Geron, Pifagor, Yevklid va boshqalar geometriyaning rivojiga katta xissa qo’shdilar. Geometriya fani yunoncha “geo”-yer, “metrio” –o’lchayman degan ma’noni anglatadi.
Geometriya fani tekislikdagi va fazodagi shakllarning xossalarini o’rganuvchi fandir. Geometriya fani 2 qismga bo’linadi: planimetriya va stereometriya.
Planimetriya bo’limida tekislikdagi shakllar va ularning xossalari o’rganiladi. Stereometriya bo’limida esa fazodagi shakllar va ularning xossalari o’rganiladi.
Stereometriya so’zi yunoncha so’z bo’lib “stereo”-fazo, “metrio” –o’lchayman degan ma’noni anglatadi.
Biz 7-sinf geometriya kursida tekislikdagi shakllarning xossalarini o’rganamiz.
Geometriya fanining rivojiga buyuk bobokalonlarimiz Al-Farg’oniy, Beruniy, Al-Xorazmiy, Ibn Sino, Ali Qushchilar katta xissa qo’shishgan. Al-Farg’oniyning Misrda Nil daryosini o’lchaydigan nilometr asbobi hanuzgacha saqlanib qolgan.
Mustahkamlash
Geometriya so’zining lug’aviy ma’nosi nima?
U necha bo’limdan tashkil topgan?
Planimetriya bo’limida qanday shakllarnin xossalari o’rganiladi?
Stereometriya bo’limida qanday shakllarnin xossalari o’rganiladi?
Stereometriya so’zining lug’aviy ma’nosi nima?
Geometriya fani rivojiga qaysi buyuk allomalarimiz katta hissa qo’shganlar?
Misrda qurilgan nilometr qaysi buyuk ajdodimiz ixtirosi?
Quyidagi shakllarni ikki qismga ajrating: fazo va tekislikdagi.
Uchburchak, shar, sfera, aylana, to’g’ri to’rtburchak, kub, parallelepiped, doira
J: tekislikdagi: Uchburchak, aylana, to’g’ri to’rtburchak, doira
fazodagi: shar, sfera, kub, parallelepiped
Do'stlaringiz bilan baham: |