Фан буйича бажариладиган мустақил иш, реферат, ОҒзаки ва ёзма ишларнинг бажарилиши юзасидан услубий кўрсатмалар

Семинар машғулотларига тайёргарлик кўришга қўйиладиган талаблар.

1. 
   Семинар машғулоти режаси билан танишиш.
   
2. 
   Ушбу мавзу буйича эшитилган маъруза конспектини ўқиш.
   
3. 
   Дарслик ёки ўқув қўлланманинг тегишли бўлими билан танишиш.
   
4. 
   Тавсия қилинган адабиётлар, биринчи манбалар билан танишиш.
   
5. 
   Қўшимча адабиётлар билан танишиш.
   
6. 
   Ўқиб чиққан биринчи манбани конспект қилиш.
   
7. 
   Семинарда муҳокама қилинмоқчи бўлган муаммо ёки саволларни ёзиб қўйиш.
   

Талабаларнинг оғзаки гапиришларига қўйиладиган талаблар.

1. 
   Ушбу муаммо бўйича ўз фикрига (муносабатига) эга бўлиши;
   
2. 
   Мавзуни назарий даражада илмий таҳлил қилиш, фуқаролик жамияти фанидан (асосий тушунча ва категория, фан қонуниятлари) фойдаланиб очиб бера олиши;
   
3. 
   Фуқаролик жамияти хусусидаги илмий манбалар ва ижтимоий-қтисодий амалиётдаги мисолларга таянган холда ўз мавқеини асослаб бера олиши;
   
4. 
   Кўриб чикилаётган масалалар юзасидан фикрлар ва қоидаларни ривожланиш ҳамда тасаввурларга эга бўлиш;
   
5. 
   Муаммога алоқадор илмий қарашларни амалий қимматини кўрсата олиш;
   
6. 
   Гапираётган (маърузачи) билан илмий баҳслашишга кириша олиш.
   

Кичик илмий иш (реферат ва ёзама иш)га қўйиладиган талаблар:
Кичик илмий иш (реферат ва ёзма иш) мавзуни танлаш, режа тузиш, материал тўплаш, уни ўрганиш ва тизимлаш, ишни расмийлаштириш каби боскичларда олиб борилади.
Мавзуни танлашда талабанинг ўз қизиқишига ушбу мавзуга оид адабиётларнинг борлиги, илмий ишланганлик даражаси, амалий аҳамиятига эътибор бериш керак. Режа тузаётганда батафсил ҳар бир параграф буйича саволномалар ёзиб чиқиш, уларни манбалар ва адабиётлар билан таъминланганлигига эътибор қилиш керак.
Материал тўплашда мавзу билан дарсликлар, ўқув қўлланмалар, қомусий луғатлар ёрдамида умумий танишиб чиқилади. Бунда танланган мавзунинг фандаги ўрни, хронологик чегараси, унинг бошқа мавзулар билан ўзаро алоқадорлиги, муаммо бўйича манбаларни аниқлаш, илмий адабиётларни нашр йили ёки алифбе кетма-кетлигида жойлаштириш лозим.
Режа асосида мавзу устида ишлашда унинг долзарблигига аҳамият бериб манбалар ва адабиётлар ишлаб чиқилади. Улардан олинган маълумотларнинг муаллифлари, асарнинг номи, бетлари албатта кўрсатилиши керак.
Реферат ва ёзма ишни расмийлаштиришда унда титул варақи, кириш қисми, бўлимлари, хулоса, фойдаланилган адабиётлар рўйҳати бўлишига эътибор бериш керак. Реферат қўлёзма шаклида бажарилиши ва ҳимоя қилиниши лозим.