Fan: Adabiyot Sinf : 6- “G” sinf Sana

O‘qituvchi “Mahbub ul- qulub ”asari haqida ma’lumotlar aytadi
“Mahbub ul- qulub ”asarida esa pand –nasihat, axloqiy qarashlar bosh mavzuga aylanib bevosita to‘g‘ridan to‘g ‘ri ifoda etiladi, ularga har tomonlama ta’rif berilib , falsafiy, axloqiy xulosalar chiqariladi.Shoir bu asarni 1500- yilda yaratdi va uni “Mahbub ul- qulub ” ya’ni “Ko‘ngillarning sevgani” deb atadi. Bu nom bilan mazkur kitobda insonga xos eng ezgu fazilatlar,uni ma’naviy barkamol etadigan , o‘zgalar qarshisida go‘zal, oliyjanob ko‘rsatadigan xislatlar jamlanganligini anglatmoqchi bo‘ldi.
“Mahbub ul- qulub ”asari muallif ta’kidlaganidek 3 qismga bo’linadi: birinchi qism har xil odamlarning fe’l atvorlari va ahvoli haqida ; ikkinchi qism yaxshi fe’l xosiyati va yomon xislat kasofati to‘g ‘risida; uchinchi qism turli foydali kuzatishlar va misollar haqida.
11- tanbih Saxovat va himmat to‘g ‘risida . Bu tanbihda saxovat va himmatni insoniyat bog ‘ining hosildor daraxti, u daraxtning foydali mevasi deb atar ekan, bunda mutlaqo mubolag‘a qilmaydi. Asarda oliyhimmat kishilar balandparvoz lochinga ,behimmat kimsalar esa sichqon ovlovchi kalxatga qiyoslanadi.Navoyning besh asr ilgari surgan g‘oyalari bugun ham o‘z dolzarbligini yo‘qotmay kelayotgani hammani hayratlantiradi.
Hilm ya’ni muloyim tabiatlilik haqidagi qarashlari ham mazmunli, kishi esida qoladigan. 18- tanbihda shu mavzuda fikr yuritgan.Hilm- axloqli odamning qimmatbaho libosiga qiyoslanadi.Alisher Navoiy muloyim tabiatli kishilarni tog‘ga, yengiltak kishilarni esa betayin shamolga o ‘xshatgan. “Yel, agar ko’kka yetsa ham,baribir yengil va qadrsiz; tog‘ agar tuproqqa botsa ham salobatlidir. Yelning orasida o‘tga yoqiladigan xas- xashaklar bor; hilm mazmunida esa, shoh tojiga qadalgudek cho‘g‘ kabi qizil la’l bor” deyiladi hilm to‘g ‘risida dagi tanbihda.
Bu asar har bir odam umri davomida duch kelishi muqarrar bo‘lgan hayotiy savollarga ta’sirli usulda berishi bilan yuksak qimmat kasb etadi. Buni darslikda berilgan tanbihlarni o‘qish jarayonida chuqur anglab yetish mumkin.
“Audio tinglash” usuli. O‘quvchilarga 12-22-50-tanbihlar o‘qituvchi tomonidan audio matn tarzida taqdim etiladi. Audioni eshitib bo‘gach, o‘quvchilardan matndagi fikr-mulohazalar so‘raladi. Matn mazmuni o‘qituvchi tomonidan tushunarli tarzda ochib beriladi.