«fаlsаfа» modulidan oʼquv-uslubiy mаjmuа

MUSTАQIL ISH UCHUN BERILАDIGАN TOPSHIRIQLАRNING SHАKLI VА HАJMI
Talabalar mustaqil ishini tashkil etishda talabaning akademik oʼzlashtirish darajasi va qobiliyatini hisobga olgan holda quyidagi shakllardan foydalanish mumkin:
-fanning ayrim mavzularini oʼquv adabiyotlari yordamida mustaqil oʼzlashtirish, oʼquv manbalari bilan ishlash;
-amaliy, seminar va laboratoriya mashgʼulotlariga tayyorgarlik koʼrib kelish;
-maʼlum mavzu boʼyicha referat tayyorlash;
-amaliyotdagi mavjud muammoning yechimini topish, test, munozarali savollar va topshiriqlar tayyorlash;
-ilmiy maqola, tezislar va maʼruza tayyorlash;
-uy vazifalarini bajarish va boshqalar.
Fan xususiyatidan kelib chiqqan holda talabalarga mustaqil ish uchun boshqa shakllardagi vazifalar ham topshirilishi mumkin. Talabalarga qaysi turdagi topshiriqlarni berish lozimligi kafedra tomonidan belgilanadi. Topshiriqlar puxta oʼylab ishlab chiqilgan va maʼlum maqsadga yoʼnaltirilgan boʼlib, talabalarning auditoriya mashgʼulotlarida olgan bilimlarini mustahkamlash, chuqurlashtirish, kengaytirish va toʼldirishga xizmat qilishi kerak.
Mavzuni mustaqil oʼzlashtirish. Faning xususiyati, talabalarning bilim darajasi va qobiliyatiga qarab ishchi oʼquv dasturiga kiritilgan alohida mavzular talabalarga mustaqil ravishda oʼzlashtirish uchun topshiriladi. Bunda mavzuning asosiy mazmunini ifodalash va ochib berishga xizmat qiladigan tayanch iboralar, mavzuni tizimli bayon qilishga xizmat qiladigan savollarga eʼtibor qaratish, asosiy adabiyotlar va axborot manbalarini koʼrsatish lozim. Topshiriqni bajarish jarayonida talabalar mustaqil ravishda oʼquv adabiyotlaridan foydalanib ushbu mavzuni konspektlashtiradilar, tayanch iboralarning mohiyatini anglagan holda mavzuga taalluqli savollarga javob tayyorlaydilar. Zarur hollarda (oʼzlashtirish qiyin boʼlsa, savollar paydo boʼlsa, adabiyotlar yetishmasa, mavzuni tizimli bayon eta olmasa va h.k.) oʼqituvchidan maslahatlar oladilar. Mustaqil oʼzlashtirilgan mavzu boʼyicha tayyorlangan matn auditoriyada amaliy mashgʼulotlarda himoya qilinadi.