Falsafa” kafedrasi «G‘oyalar falsafasi» fanidan o‘quv-uslubiy majmua toshkent-2011

16-mavzu. Mafkuraviy jarayonlar sotsiologiyasi

	16.1 Binar ma’ruzani tashkil etish metodi
	16.2 Muammoli seminar texnologiyasi
17-mavzu. Mustaqillik va yangi g‘oyalar tizimining shakllanish jarayoni
	17.1 Sharxlovchi, vizual ma’ruza orqali o‘qitish texnologiyasi
	17.2 Munozarali seminar orqali o‘qitish texnologiyasi
18-mavzu. Mafkuraviy tarbiya: muammo va yechimlar
	18.1 Ma’ruza axborot vositasida o‘qitish texnologiyasi
	18.2 Seminar-munozarani o‘qitish texnologiyasi

«G‘OYALAR FALSAFASI» FANIDAN TA’LIM TEXNOLOGIYASINING KONSEPTUAL ASOSLARI

1.	G‘oyalar falsafasining predmeta va shakllanish bosqichlari

Zo‘r qoniqish va faxr tuyg‘usi ila e’tirof etish joizki, mustaqil O‘zbekiston Respublikasi Prezident I.A.Karimov rahbarligida buyuk kelajak sari yo‘lning eng muhim, eng qiyin qismini bosib o‘tdi. Endilikda butun dunyoda bozor iqtisodiyoti munosabatlariga o‘tishning “O‘zbek modeli” mashhur. Madaniy-ma’naviy tiklanish jarayoni, demokratik, huquqiy-adolatli, insonparvar, dunyoviy davlat va axborotlashgan fuqarolik jamiyatini qurish muvaffaqiyatli davom ettirilmoqda. O‘zbekiston Respublikasi xalqaro munosabatlarning teng huquqli sub’ektiga aylandi. Mamlakatimizning obro‘-e’tibori, nufuzi nafaqat Markaziy Osiyo mintaqasi va MDH miqyosida, shuningdek, butun dunyoda ham tobora yuksalib bormoqda.
Bizning fikrimizcha, mamlakatimiz taraqqiyotining yuqoridagi va boshqa yutuqlarining asosiy, poydevori 80-yillarning oxiridayoq I.A.Karimov olg‘a surgan va shu kunga qadar katta e’tibor berayotgan milliy g‘oya va mafkuradir.
Prezident I.A.Karimov milliy g‘oya va milliy mafkuraning xalq va jamiyat hayotidagi ahamiyati masalasini yanada teranlashtirib, o‘zining hayotini, oldiga qo‘ygan maqsadlarini aniq tasavvur qila oladigan, o‘z kelajagi haqida qayg‘uradigan millat hech bir davrda milliy g‘oya milliy mafkurasiz yashamagan va yashay olmaydi, degan fikr-mulohazalarini ham nazariy, ham amaliy ahamiyati benihoya buyukdir.
Qayd etish lozimki, mana shu hayotiy maqsad-muddaolar borasida Prezidentimizning “Milliy istiqlol g‘oya: asosiy tushuncha va tamoyillar fani bo‘yicha ta’lim dasturlarini yaratish va respublika ta’lim tizimiga joriy etish to‘g‘risida” (2001 yil 18 yanvar)gi Farmoyishi¹⁵ hamda “Milliy g‘oya targ‘iboti va ma’naviy-ma’rifiy ishlar samaradorligini oshirish to‘g‘risida”gi (2006 yil 25 avgust) Qarori milliy g‘oyani xalqimiz ishonchi va e’tiqodiga aylantirish yo‘lidagi muhim qadam bo‘ldi. Bu ikki muhim hujjat jamiyatimiz fuqarolarining ma’naviy-ma’rifiy bilimlarini yanada takomillashtirishga, milliy istiqlol g‘oyasi va mafkurasini fuqarolarga ongu tafakkuriga chuqur singdirishga qaratilgan bo‘lib, u milliy va umumbashariy qadriyatlar uyg‘unligi asosida yanada boyitilgan. Chunonchi, ularda milliy g‘oya va milliy mafkura targ‘ibot-tashviqot ishlarini yanada takomillashtirishni dolzarb vazifa qilib qo‘yildi. Zotan, “Milliy g‘oyamiz shu yurtda yashayotgan barcha odamlarning olijanob niyatlarini, hayotiy manfaatlarini mujassam etadigan yurt tinchligi, Vatan ravnaqi, xalq farovonligi degan yuksak tushunchalarni o‘z ichiga oladi”¹⁶. Istiqlolga erishganimizdan buyon mafkura bobidagi hamma ishlarga xuddi shu omil asosiy mezon bo‘lib kelmoqda. Natijada esa Prezidentimizning g‘oyat keng qo‘lamli sa’y-harakatlari va samarli faoliyati natijasida, mafkura ijtimoiy hayotga ta’sir etuvchi qudratli omil ekanligi bizning kunlarda o‘z tasdig‘ini topdi. Chunki,