Fallo tetradasi sabablari

FALLO TETRADASI — SABABLARI, MORFOLOGIYASI, TASNIFI, KLINIKASI, TASHXISLASH, DAVOLASH

REJA:

1. 
   Fallo tetradasi 
   
2. 
   FALLO TETRADASI SABABLARI
   
3. 
   KLINIKASI
   

Fallo tetradasi — ko’k yurak porogi. Fallo tetradasida gemodinamikaning buzilishi, o‘pkaga qon tushishining kamayishi va venoz qonni o‘ng qorinchadan aortaga o‘tishidan iborat bo‘ladi. 1888-yilda fransuz shifokori Etyen-Lui Artur Fallo tasvirlagan to‘rtta anomaliyani o’z ichiga oladi.

• 
  O’ng qorincha chiquvchi bo’limining stenozi (klapanli, subklapanli, o’pkali o’zak va/yoki o’pka arteriyasi shoxlarining stenozi yoki kombinatsiyasi);
  
• 
  Qorinchalararo to‘siqning yuqori (subaortal) nuqsoni;
  
• 
  Aortaning dekstrapozitsiyasi (o‘ng tomonga surilishi);
  
• 
  O‘ng qorincha gipertrofiyasi.
  

Mundarija: [Yashirish]

• 
  1 Fallo tetradasi sabablari
  
• 
  2 Morfologiyasi
  
  • 
    2.1 Boshqa tug’ma yurak poroklari bilan assotsiatsiyasi
    
  • 
    2.2 Xromosomal anomaliyalar bilan assotsiatsiyasi
    
• 
  3 Fallo tetradasi tasnifi
  
• 
  4 Klinikasi
  
• 
  5 Tashxislash
  
• 
  6 Davolash
  
• 
  7 Fallo tetradasi prognozi
  

FALLO TETRADASI SABABLARI
Fallo tetradasi embrional rivojlanishning 2-8 haftasida kardiogenez jarayonining buzilishi natijasida shakllanadi. Ona homiladorlik davrining erta bosqichlarida infektsion kasalliklarni (qizamiq, skarlatina, qizilcha) boshdan kechirishi; dori vositalari (uyqu dori, sedativ, gomonal va boshqalar), alkogol va narkotik moddalar qabul qilish; zararli ishlab chiqarish omillari ta’sir qilishi porok rivojlanishiga olib kelishi mumkin. Tug’ma yurak porogi rivojlanishida irsiy omil ham o’rin tutadi.
Fallo tetradasi ko’pincha oligofreniya va ko’plab rivojlanish anomaliyalarini o’z ichiga oluvchi Korneliya de Lange sindromi bo’lgan bolalarda uchraydi.
Fallo tetradasi triggeri bo’lib arterial konusning noto’g’ri rotatsiyasi (soat strelkasi yo’nalishiga qarshi) xizmat qiladi, buning oqibatida aorta klapanining o’pka klapaniga nisbatan o’ngroqqa siljishi sodir bo’ladi. Bunda aorta qorinchalararo to’siq ustida joylashgan bo’ladi. Aortaning noto’g’ri joylashuvi o’pkali o’zakning siljishiga olib keladi, u biroz uzayadi va torayadi. Arterial konus rotatsiyasi uning o’z to’sig’ini qorinchalararo to’siq bilan birikishiga to’sqinlik qiladi, natijada QATN shakllanadi va o’ng qorincha kengayadi.