“Fakultetlararo umumtexnika fanlari” kafedrasi «Muhandislik chizmasi va eskizi» fanidan maruzalar matni muallif: Nurmetov M. R

 
 

---

 
 
 
18-MA’RUZA 
Eskiz.Eskiz tuzish tartibi. 
Reja: 
1.Detallarning eskizlarini tuzish 
2.Detalning eskizini tuzish bosqichlari. 
3. Detallarning ish chizmalarini chizish. 
Detallarning eskizlarini tuzish 
Bir marta foydalanish uchun chizmachilik asboblarisiz va mashtabga rioya 
qilmay,  lekin  buyum  o`lchamlarining  nisbati  saqlangan  holda  bajarilgan  chizma 
(yoki  sxema)  eskiz  deb  ataladi.  Eskiz  ish  chizmadan  faqat  chizmachilik  asboblari 
yordamisiz  va  taqribiy  mashtabda  chizilganligi  bilan  farqlanadi.  Shuning  uchun 
eskizlar  ham  tegishli  standartlarda  belgilangan  barcha  shartli  belgilar  va 
ko`rsatmalarga  muvofiq  bajariladi.  Ko`p  hollarda  eskizlardan  ish  chizmalarini 
tuzishda  foydalaniladi.  Eskizlar  bevosita  detalning  asliga  qarab  yoki  yangi 
detallarni, mashina va mexanizmlarni loyihalashda tuziladi. Loyihalash jarayonida 
eskiz  tuzish  har  bir  studentga,  konstruktorga  juda  katta  mahorat,  amaliy  malaka, 
chuqur  fazoviy  tasavvur  va  ijodiy  izchillik  kasb  etadi.  Detallarning  eskizi  toza, 
barcha  tasvirlari  birgalikda  uning  tuzilishi  va  elementlarining  shakllari  to`g`risida 
to`la  tasavvur  bera  oladigan,  o`lchamlari,  izohlovchi  yozuvlar  va  tehnir  talablar 
yetarli qilib tuzilishi kerak.