“Fakultetlararo umumtexnika fanlari” kafedrasi «Muhandislik chizmasi va eskizi» fanidan maruzalar matni muallif: Nurmetov M. R

Yig`ish chizmalarini o`qish va detallarga ajratib chizish. 
 
Yig`ish  chizmalarini o`qishni  yig`ish  birligining nomini, ishlatish sohasini 
va  uning  tarkibiy  qismlarini  aniqlashdan  boshlash  lozim.  Buning  uchun  yig`ish 
birligini  spesifikasiyasi  bilan  tanishib  chiqiladi.  So`ngra  buyumning  tarkibiga 
kiruvchi  detallarning  tasvirlarini  o`rganib  chiqib,  ularning  vazifasi,  shakli, 
o`lchamlari  va  o`zaro  biriktirilishi  aniqlanadi.  Qo`zg`aluvchi  birikmalardagi 
detallarning  bir-biriga  nisbatan  xarakatlanish  xarakterini  o`rganib  chiqib,  yig`ish 
birligining  tuzilishi  va  ishlash  prinsipi  aniqlanadi.  Yig`ish  chizmasiga  asosan 
yig`ish  birligi  detallarining    ish  chizmasini  tuzish  detallarga  ajratib  chizish  deb 

---

 
 
ataladi. Yig`ish birligining chizmasiga muvofiq detallarga ajratib chizish quyidagi 
tartibda bajariladi. 
1.  Tasvirlangan  buyumning  tuzilishi,  ishlash  prinsipi,  xar  bir  detalning 
vazifasi, shakli va xususiyatlari aniqlanadi. 
2.  Xar  bir  detalning  bosh  ko`rinishi  va  boshqa  ko`rinishlar  soni 
aniqlanadi  hamda  zarur  qirqim  va  kesimlari  bilan  belgilanadi.  Detalning    ish 
chizmasidagi  bosh  ko`rinishi  yig`ish  chizmasining  asosiy  ko`rinishdagi  tasviriga 
o`xshash bo`lmasligi ham mumkin.  
3.  Xar  bir  detal  uchun  chizmalarning  masshtabi  va  listning  formati 
belgilanadi.  Listning  qabul  qilingan  formatlarida  chizma  ramkasi  va  asosiy  yozuv 
uchun ramka chiziladi. 
4.  Belgilangan  formatda  tayyorlangan  listga  masshtabga  rioya  qilib  xar 
bir  detalning  ish  chizmasi  tuziladi,  ko`rinishlar,  qirqim  va  kesimlari  bajariladi. 
Detalning  o`lchamlari,  yuzalarining  g`adir-budirliklari  va  o`tkazishlar  qo`yiladi, 
shuningdek,  detalga  tegishli  bo`lgan  asosiy  yozuv  bajariladi.  Tavsiya  etilgan 
tartibda  detallarga  ajratib  chizishni  17.3-  chizmada  ko`rsatilgan  ajratkichning 
yig`ish chizmasida ko`rish mumkin. 17.2-chizmada esa ajratkichning spesifikasiyasi 
keltirilgan.  
26