Fakultetlararo pedagogika

5.8. Fakultetlararo pedagogika kafedrasi dotsenti v.b.Urakov Sherzod Raxmanovichni dotsentlik ilmiy unvoniga tavsiya qilish to‘g‘risida.

Eshitildi: yig‘ilish raisi K.Xasanova yig‘ilish kun tartibidagi masala yuzasidan axborot berib, dotsent v.b., p.f.f.d. Sh.R.Urakovning bugungi kunda samarali ilmiy va pedagogik faoliyat olib borayotgani, doimiy ravishda o‘z ilmiy salohiyati va pedagogik kasbiy mohoratini oshirish ustida ishlayotgani, shu paytgacha o‘z zimmasidagi vazifalarni bajarishda sidqidildan yondashayotgani, ilmiy tadqiqot himoyasidan so‘ng “O‘qituvchi kompetentligini rivojlantirishning pedagogik tizimini takomillashtirish”, “Ta’limda innovatsion yondashuvlar (malaka oshirish kurslari misolida)”nomli 2ta uslubiy qo‘llanma chop ettirgani, respublika va xalqaro jurnallarda, to‘plamlarda maqola va tezislar e’lon qilinganligi, kafedra magistrantlariga muvaffaqiyatli rahbarlik qilayotgani, kafedrada tashkil etilayotgan seminarlar hamda ma’naviy-ma’rifiy ishlarda faol ishtirok etayotgani xususida so‘zladi.

Yig‘ilish raisi K.Xasanova yuqoridagilarni inobatga olib Sh.R.Urakov nomzodini dotsent lavozimiga tavsiya qilish taklifini bildirdi.

Ushbu masala yuzasidan kafedra a’zolaridan p.f.d., dotsent N.Kiyamov, p.f.b.f.d. (PhD) E.Abdumannotov, o’qituvchilardan Sh.Eshpulatov, G.Pardayeva, Sh.Javliyeva va boshqalar ijobiy fikr bildirishdi va K.Xasanovaning taklifini qo‘llab-quvvatlashdi.

Ko‘rilgan masala yuzasidan yig‘ilish

QAROR QILADI:

1. 
   Fakultetlararo pedagogika kafedrasi pedagogika fanlari bo‘yicha falsafa doktori Sh.R.Urakovning pedagogik, ilmiy, ilmiy-uslubiy faoliyati va ish staji dotsent ilmiy unvonini berishga yetarli deb topilsin.
   
2. 
   Fakultetlararo pedagogika kafedrasi pedagogika fanlari bo‘yicha falsafa doktori Sh.R.Urakovning nomzodi dotsent ilmiy unvonini olishga tavsiya qilinsin.
   
3. 
   Kafedra yig’ilish qarorini tasdiqlash fakultet kengashidan so‘ralsin.
   

Yig’ilish raisi: prof. K.Hasanova

Kotib: o’qit. D.Nabiyeva