Fakultetlararo jismoniy madaniyat va sport

Bitiruv ishning dolzarbligi: Hozirgi paytda engil atletikada, jahon sport maydonlarida raqobatning keskin kuchayishi, ayniqsa bunday raqobatga Osiyo mintaqasi davlatlari Xitoy, Yaponiya, Qatar, Koreya, Baxrayn, Saudiya Arabistoni va boshqalarning qo‘shilishi yuqori malakali va zahira sportchilarning yanada samaradorli tayyorlashni taqozo etadi. Yuqori malakali sportchilarning sport turlari, jumladan engil atletika bo‘yicha mahoratlarini yanada oshirish mashg‘ulot jarayonini optimal va samarali tuzilmasini yaratishga bog‘liq.
Mashg‘ulot jarayonini rivojlantirish davomida musobaqa faoliyatidan yanada samarali foydalanish maqsadida mashg‘ulot jarayonlarini samarali rivojlantirishga doir tadqiqotlar natijalarini qo‘llash eng muhim jihatlardan biridir.
Yosh engil atletikachilarda yillik siklning tayyorgarlik davrida mashg‘ulot jarayonlarini rejalashtirish va ularning jismoniy sifatlar shakillantirilishi lozim. Bu sifatlar keyichalik sportchilarga jahon maydonlarida yuqori natijalarga erishishiga imkon yaratadi.
Afsuskitayyorgarlik dasturlarida yadro itqituvchilarning UJT va MJT vositalarining optimal nisbatlari bo‘yicha ilmiy asoslangan usuliyatlar etarlicha emas, shuningdek sportchilarning mashg‘ulotdagi yuklamalari va tayyorgarligini nazorat qilishhamda boshqarish tug‘risidagi ma’lumotlarni tahlil qilganimizda Respublika murabbiylari eski usullardan foydalanib kelayotganligi aniqlandi.
Bitiruv ishning maqsadi: Yengil atletika turlari texnikasini tahlil qilish va mashg‘ulot jarayonini samarali rejalashtirish va ularda qo‘llaniladigan mashqlar va usullar orqali jismoniy sifatlarini oshirishdan iborat.
Bitiruv ishning vazifalari. Yengil atletikachilarning mashg‘ulot jarayonlarini rivojlantirish xususiyatlari va ularning jismoniy sifatini rivojlantirish yo‘llari, ularda qo‘llaniladigan mashqlar, usullar, bajarilish shiddatlarini shuningdek mashg‘ulot jarayonlarini muammolari o‘rganish, yuklamalar hajmini me’yorlashtirish, ishlab chiqish orqali yuqori natijaga erishish va tadqiqot maqsadini hal etishda quyidagi vazifalarni qo‘ydik:

1. 
   Yengil atletika turlari texnikasini tahlil qilish;
   
2. 
   Sportchilarning mashg‘ulot jarayonlarini rejalashtirish va jismoniy sifatlarini rivojlantirish yo‘llarini o‘rganish.
   
3. 
   Mashg‘ulot jarayonlarini va tadqiqotdan olingan natijalarni tahlil qilish.