F. S. Meliboyeva tabiiy geografik jarayonlar

Krios - lotincha sovuq demakdir.
Kimyoviy nurash - nurashning bu turi asosan suv, havo (CO2 va O2) hamda mikroorganizmlar ta'sirida kechadi.
Korraziya - lotincha "corrasio" so'zidan olingan bo'lib, uning ma'nosi charxlayman, silliqlayman demakdir.Korraziya jarayoni, shamolning tog' jinslarining mayda zarralarini uchirib bora turib, zarb ta'sirida qoyalarning silliqlashi, o'yilishi, yemirishi tufayli yuz beradi.
Karst - eruvchan tog' jinslariga suv ta'sir etishi tufayli yuzaga keluvchi tabiiy geografik jarayon.
Karst ko'llari - yer osti karst bo'shliqlari - shiftining o'pirilishi bilan birgalikda cho'kishi hamda yuzada yotgan gips, tuz kabi o'ta tez eruvchan tog' jinslarining suv ta'siriga berilishi tufayli yuzaga keladigan bo'shliqlar.
Karstlangan yoriqlar - karst hosilalari suv ta'sirida yengil eruvchan tog' jinslari (karbonatli, sulfatli, xloridli) bo'ylab yuzaga kelgan tektonik darzlarning karstlanishi tufayli yuzaga keladi.
Karst quduqlari - gidrologik oqimning gidrogeologik oqimga aylanish jarayoni tufayli suvning harakati natijasida shakllanadigan vertikal tarzda rivojlangan karst bo'shliqlaridir.
Karst shaxtalari - karst shaxtalarining chuqurligi, taxta rivojlanayotgan litologik qatlamning qalinligi bilan chambarchas bog'liq holda rivojlanadi.
Karst g'orlari - gorizantal yoki birmuncha qiya rivojlangan yer osti bo'shliqlari g'orlar deb yuritiladi.
Ko'r karst bo'shliqlar - yer osti karst hosilalarining ushbu turi kirish va chiqish yo'llari kuzatilmaydigan bo'shliqlar tarzida namoyon bo'ladi.
Kam - kamlar genetik xususiyatlariga ko'ra, ozlarni eslatadi.Yani flyuvoglyatsial yotqiziqlarning qat - qat to'g'ri chiziqli tarzda shakllanishi tufayli vujudga keladi. Kar - (shotland tilida corrie) ko'za demakdir - ko'zaning og'ziga monand, qush (qaldirg'och) uyasini esltuvchi botiqlardir.