F. I. Salomova, L. K. Abdukadirova, X. A. Sadullayeva, S. A. Sharipova mutaxassislikka kirish

Suv tarqatish tarmog‘ini tuzilishining gigiyenik xususiyatlari 
 
Ichimlik suvi suv tozalash inshootlaridan tozalanib o‘tganidan 
so‘ng, yuqori bosim ostida  aholi punktlarini barcha tarmoqlari bo‘ylab 
tarqatiladi. Suv tarqatish quvurlari (STQ) po‘lat, cho‘yan, temir-betonli, 
keramikali, shishali yoki plastmassali moddalardan tayyorlanadi. Bu 
quvurlar 5-25atm bosimigacha chidashi mumkin.  
STQ da suv muzlab  qolmasligi uchun, yerning muzlash qismidan  
0,5  m dan chuqurlikda o‘rnatiladi. Boshqa klimatik hududlarda esa bu 
qiymat 1,25 -3,8  m ga teng.  Bu quvurlarni  axlat  tashlash joylariga, 
suyuq  chiqindilar tashlanadigan chuqurliklar joylashgan yerlarga 
o‘rnatilmasligi kerak. STQ va kanalizatsiya kollektorlari kesishgan 
joylarda, STQ  ni kanalizatsiya quvurlaridan 0,4  m balandlikka 
joylashtirilishi kerak. Bundan tashqari, STQ quvurlari po‘latdan 
yasalgan bo‘lib, har tomonlarida 5-10  m dan suv o‘tmaydigan futlyar 
bilan  o‘ralgan bo‘lishi kerak. Kesishgan nuqtalardagi kanalizatsiya 
quvurlari esa, cho‘yandan bo‘lishi lozim. 
STQ ni  o‘tkazilayotganida,  quvurlarni aylanma (halqa shaklida) 
sxemasidan foydalanish zarur. Bunda suvni turib qolishi, cho‘kma tu-
shishi kuzatilmaydi, temirli mikroflora (zanglanishi) kam  rivojlanadi. 
STQ qurilgandan keyin yoki, qayta ta’mirlangandan so‘ng albatta yuqori 
bosimda yuvilishi (mexanik tiqinlardan tozalash uchun), tarmoqni 
dezinfeksiya qilinishi kerak (faol xlor tutuvchi xlorli ohak eritmasi bilan 
to‘ldirilib, 5-24 soatgacha muloqatga qo‘yiladi). So‘ngra toza suv bilan 
qayta yuviladi, 0,3-0,5 mg/l  qoldiq xlor qolgunicha.  Keyin bu suvni 
iste’molchiga berilishi mumkin.