Eynshteyn. Nisbiylik nazariyasi

imkonsiz bo‘lgan, oddiy insoniy qiliqlarni qila oladi». 
Bu davrda lahzani fotosuratga muhrlash hozirgidek bitta tugmani bosish bilan 
osongina bajariladigan ish bo‘lmay, balki butun boshli tayyorgarlikni talab qiluvchi 
1-3 daqiqalik jarayon bo‘lgan. Fotografning o‘z ortidan qolmayotganini ko‘rgan 
Eynshteyn uni tayyorlanib ulgurmaydi deb o‘ylagan va bir onga u tomon qayrilib 
tilini chiqargan. Vaholanki Sass tayyor edi va uning omadi kelib tarixda eng 
mashhur fotosuratlardan birining muallifiga aylandi. Eynshteyn bu suratdan 
o‘zining do‘stlariga hazil maktublar yo‘llashda va bayram tabriknomalari 
tayyorlashda ko‘p foydalangan.
Fotosuratda Eynshteyn avtomobil salonida o‘tiribdi, uning hamrohlari – doktor Eydelot va 
uning rafiqasi. 14-mart, 1951 yil Prinston
. 
 

---

187 
 
Muallif haqida 
 
David Blanko Laserna 
 
1973 
yil Ispaniyaning Madrid shahrida tug‘ilgan. 
Ispaniyaning mashhur bolalar va ilmiy ommabop 
asarlar yozuvchisi, kinossenarist, ilmiy-ommabop 
teledasturlar muharriri. 
Madrid 
Muxtor 
Universitetini 
(Universidad 
Autónoma de Madrid) Nazariy fizika yo‘nailishida 
tamomlagan. Dastavval kino tasvirga olish ishlari bilan 
shug‘ullangan muallif, keyinchalik ilm-fan haqida 
ommabop, xalqchil ravon tilda hikoya qiluvchi asarlar 
yozishga kirishdi. David Blanko Lasernanig yozuvchilik 
sohasidagi ilk asari olmon matematik olimasi Emmi 
Nyoter haqida bo‘lgan («
Emmy Noether: Matemática 
ideal
»). Hozirgacha uning 30 dan ziyod ilmiy-ommabop va badiiy asarlari nashrdan chiqqan 
bo‘lib, uning kitobxonlari auditoriyasini, bolalar, o‘smirlar va katta yoshdagilar toifalariga 
bolish mumkin. Muallifning qo‘lingizdagi mazkur asaridan tashqari, shuningdek «Shryodinger: 
kvant paradokslari» (
Schrödinger: Las paradojas cuánticas
); «Gyuygens: yorug‘likning to‘lqin 
nazariyasi» (
Huygens: La teoría odulatoria de la luz
); «Volter: Biologik variatsiyalar 
matematikasi» (
Voletrra: El matemática de la biodiversidad
); «Sem Lloyd: Qiziqarli 
matematika» (
Sam Loyd: Matemática espectacular
) kabi ilmiy-ommabop asarlari hamda, 
«Dengiz ostidagi orol» («
La isla bajo el mar
») ; «O‘zi yo‘q detektiv» («El detective ausente»); 
«Galiley zahari» («Galileo envenenado») kabi bolalar va o‘smirlarga mo‘ljallangan kitoblari 
g‘arbiy Yevropada mashhur bo‘lgan. Uning ko‘plab kitoblari katalon, ingliz, koreys, portugal, 
italyan va galliyaliklar tiliga tarjima qilingan.
Ushbu kitobni esa, David Blanko Lasernaning o‘zbek tiliga o‘girilgan asarlari uchun 
sanoq boshi desak ham bo‘ladi.