Eyfel minorasi

_____________________________________________________________________________

Eyfel minorasi
Parij ramzi hisoblangan Eyfel minorasi 1889-yilgi Butunjahon ko’rgazmasi uchun eksponat sifatida qurilgan. Fransuz inqilobining 100 yilligiga bag’ishlangan loyihalar tanlovida Aleksandr Gyustav Eyfel g’olib bo’lgan edi. Aslida bu minora g’oyasi Moris Kexlen hamda Emil Nugyega tegishli bo’lib, loyihani Gyustav Eyfel sotib olgan va ancha yangiliklar kiritgan. Loyihani mukammalashtirish uchun kattagina sarmoya sarflagan.
1889- yil 31- martda Parijda minoraning tantanali ochilish marosimi bo’lib o’tgan. Shu kuni minora konsrtuktori Gyustav Eyfel uning uchiga Fransiya bayrog’ini o’rnatgan. Minoraning balandligi 312 metr bo’lib, o’sha davrda dunyoning eng baland qurilmasi hisoblangan. Minora balandligi turli davrda o’rnatilgan antennalar hisobiga o’zgarib turgan. 1930 yilga kelib Nyu-Yorkdagi “Kraysler” kampaniyasining 324 metrlik osmono’par binosi Eyfel minorasidan o’zib ketdi. Bugungi kunda esa minora Fransiyadagi baland qurilmalar ichida beshinchi o’rinni egallaydi. Ma’lumotlarga ko’ra, fransiyalik 300 yozuvchi va rassom konstruksiyani “foydasiz va ko’rinmas” deb ta’riflab, shaxar ko’rkini buzadi deb hisoblashgan va raddiyalar yozishgan. Qurilma foydalanish uchun topshirilgandan boshlab 6 oy ichida 2 million tomoshabinni o’ziga jalb qilgan. Dastlab Eyfel bilan tuzilgan shartnomada 20 yil qad rostlab turishi, keyin buzib tashlashi ko’zda tutilgan edi.
Qurilmaning birinchi va ikkinchi qavatlarida restoranlar joylashgan. Minora “toji”da aylanma zinapoyalar bilan yuqoriga ko’tarilsangiz, arxitektor Eyfelning mahsus kabinet- muzeyini ko’rasiz. Eyfel sharafiga minoraning chap oyog’i ostida haykal o’rnatilgan/

1-savol. Birinchi ustunda matndan ajratib berilgan so`zlar berilgan. Ikkinchi ustundan shu so`zlarga sinonim bo`lib kela oladigan birliklarni aniqlang va tegishli doiralarni bo`yang.
1) tegishli 2) ko’rk 3) keyin 4) yuqoriga	A) so’ng B) tepada C) go’zal D) chiroy E) taalluqli

2-savol. Fransiyalik 300 yozuvchi va rassom konstruksiyani “foydasiz va ko’rinmas” deb ta’riflab, raddiyalar yozishgan .Ushbu gapda qaysi nisbatdagi fe’llar ishtirok etganini aniqlang va yuqoridagi tegishli doiralarni bo’yang. (ikkita javob to’g’ri) Orttima nisbat. Birgalik nisbat. Majhul nisbat. Aniq nisbat. O’zlik nisbat

3-savol. Matn asosida berilgan fikrlarni to`g`ri yoki noto`g`ri ekanligini tegishli ustunda ko`rsating va yuqoridagi tegishli doiralarni bo`yang.
T|R	Tushunchalar	To`g`ri (A)	Noto`g`ri(B)
1	Minoraning chap oyog’i tagida Eyfel haykali o’rnatilgan
2	Minora ochilgan kuni uning uchiga Moris Kexlen hamda Emil Nugye tomonidan Fransiya bayrog’i o’rnatilgan
3	Minora loyihasi Eyfel tomonidan sotib olingan.
4	Minoraning birinchi qavatida Eyfelning kabinet-muzeyi mavjud.
5	Eyfel minorasi yarim asrdan ziyod vaqt davomida yer yuzidagi eng baland inshoot hisoblangan.

4-savol. Matnda qaysi so`zlar imlosida xatolik uchraydi. ( Avval so`zning matnda xato yozilgan variantini, so`ng shu so`zning to`g`ri yozilishini ko`rsating)