Excelning moliyaviy funksiyalari tasnifi

КПЕР

Excelning “КПЕР” moliyaviy funksiyasidan bir yo’la yoki doimiy bir xil o’zgarmas to’lovlar oqimi asosida, o’zgarmas foizli investitsiya davriy to’lovlar sonini (muddatini) hisoblash uchun foydalaniladi. Bu funksiyaning argumentlari quyidagi moliyaviy ko’rsatkichlardan iborat:
КПЕР(ставка ;плт;пс;бс;тип)

1. 
   Ставка — davr uchun foiz stavkasi.
   
2. 
   Плт (платёж) — o’zgarmas davriy to’lov qiymati. Agar “плт ” argument bo’sh qoldirilsa, u holda “пс” argument qiymati ko’rsatilgan bo’lishi zarur. Bo’sh qoldirilgan argument 0 deb hisoblanadi. Odatda “плт” asosiy va foiz to’lov qiymatlaridan tashkil topgan bo’ladi. Funksiyaning bu argumentiga qiymatlar chiqim sifatida manfiy ishora bilan yoziladi.
   
3. 
   Пс (первоначальная стоимость) — boshlang’ich qiymat yoki kelajakdagi to’lovlar oqimining joriy qiymati. Funksiyaning bu argumentiga qiymatlar chiqim sifatida manfiy ishora bilan yoziladi.
   
4. 
   Бс (будущая стоимость) — oshgan qiymat yoki oxirgi to’lovdan keyingi qolgan qoldiq qiymat. Agar “бс” argument bo’sh yoki tushirib qoldirilgan bo’lsa, u holda u 0 deb hisoblanadi. Funksiyaning bu argumentiga qiymatlar kirim sifatida musbat ishora bilan yoziladi.
   
5. 
   Тип — to’lov turiga bog’liq argument bo’lib, u to’lov davr oxirida yoki boshida o’tkazilishiga qarab mos ravishda 0 yoki 1 qiymat qabul qiladi. Agar “тип” argument bo’sh qoldirilsa, funksiya uning qiymatini 0 ga teng deb oladi.