Excelning moliyaviy funksiyalari tasnifi

Excelning moliyaviy funksiyalari tasnifi

БЗРАСПИС

Excelning “БЗРАСПИС” moliyaviy funksiyasidan o’zgaruvchan foiz stavkali investitsiyaning (boshlang’ich qiymatning) oshgan qiymatini hisoblash uchun foydalaniladi. Bu funksiyaning argumentlari quyidagi moliyaviy ko’rsatkichlardan iborat:
БЗРАСПИС(первичное;план)

1. 
   Первичное — investitsiyaning boshlang’ich (joriy) qiymati.
   
2. 
   План — qo’llanilayotgan foiz stavkalari massivi (ketma-ketligi).
   

Izoh: “план”da bo’sh qolgan katakcha (yacheyka) “0” deb qabul qilinadi.

БС (Будущая Стоимость) – Oshgan Qiymat funksiyasi

Excelning “БС” moliyaviy funksiyasidan bir yo’la yoki doimiy bir xil o’zgarmas to’lovlar oqimi asosida, o’zgarmas foizli investitsiyaning (boshlang’ich qiymatning) oshgan qiymatini hisoblashda foydalaniladi. Bu funksiyaning argumentlari quyidagi moliyaviy ko’rsatkichlardan iborat:
БС(ставка ;кпер;плт;пс;тип)

1. 
   Ставка — muddatga mos foiz stavkasi.
   
2. 
   Кпер (количество периодов) — annuitet yoki muddat bo’yicha umumiy to’lov davrlari yoki foizlarni hisobga olish davrlari soni.
   
3. 
   Плт (платёж) — o’zgarmas davriy to’lov qiymati. Agar “плт ” argument bo’sh qoldirilsa, u holda “пс” argument qiymati ko’rsatilgan bo’lishi zarur. Bo’sh qoldirilgan argument 0 deb hisoblanadi. Odatda “плт” asosiy va foiz to’lov qiymatlaridan tashkil topgan bo’ladi. Funksiyaning bu argumentiga qiymatlar chiqim sifatida manfiy ishora bilan yoziladi.
   
4. 
   Пс (первоначальная стоимость) — boshlang’ich qiymat yoki kelajakdagi to’lovlar oqimining joriy qiymati. Agar “ пс” argument bo’sh qoldirilsa, u holda “плт” argument qiymati ko’rsatilgan bo’lishi zarur. Funksiyaning bu argumentiga qiymatlar chiqim sifatida manfiy ishora bilan yoziladi.
   
5. 
   Тип — to’lov turiga bog’liq argument bo’lib, u to’lov davr oxirida yoki boshida o’tkazilishiga qarab mos ravishda 0 yoki 1 qiymat qabul qiladi. Agar “тип” argument bo’sh qoldirilsa, funksiya uning qiymatini 0 ga teng deb oladi.