Excelning moliyaviy funksiyalari tasnifi

Базис
Kunlarni hisoblash usuli
0 yoki bo’sh	Amerikacha (NASD) 30/360
1	Taqvim bo’yicha / taqvim bo’yicha
2	Taqvim bo’yicha / 360
3	Taqvim bo’yicha / 365
4	Yevropacha: 30/365

ПС

Excelning “ПС” moliyaviy funksiyasidan bir yo’la yoki doimiy bir xil o’zgarmas to’lovlar oqimi asosida, o’zgarmas foizli investitsiyaning (oshgan qiymatning) boshlang’ich (joriy, keltirilgan) qiymatini hisoblash uchun foydalaniladi. Bu funksiyaning argumentlari quyidagi moliyaviy ko’rsatkichlardan iborat:
ПС(ставка;кпер;плт;бс;тип)

1. 
   Ставка — davrga mos foiz stavkasi. Masalan, agar avtomobil sotib olish uchun yillik 10% li ssuda olingan bo’lib, to’lovlar har oyda amalga oshirilsa, u holda bir oylik foiz stavkasi 10%/12 = 0.83% bo’ladi. Bu holda “ставка” argumentining qiymati sifatida formulaga 10%/12 yoki 0.83% yoki 0.0083 qiymatlardan biri kiritiladi.
   
2. 
   Кпер (количество периодов) — annuitet yoki muddat bo’yicha umumiy to’lov davrlari yoki foizlarni hisobga olish davrlari soni. Masalan, agar avtomobil sotib olish uchun 4 yil muddatga ssuda olingan bo’lib, to’lovlar har oyda amalga oshirilsa, u holda ssuda 4*12 = 48 ta to’lov davridan iborat bo’ladi. Bu holda “кпер” argumentining qiymati sifatida formulaga 4*12 yoki 48 qiymatlardan biri kiritiladi.
   
3. 
   Плт (платёж) — o’zgarmas davriy to’lov qiymati. Odatda “плт” asosiy va foiz to’lov qiymatlaridan tashkil topgan bo’ladi. Funksiyaning bu argumentiga qiymatlar chiqim sifatida manfiy ishora bilan yoziladi.
   
4. 
   Бс (будущая стоимость) — oshgan qiymat yoki kelajakdagi to’lovlar oqimining oshgan qiymati. Agar argument bo’sh qoldirilsa, u holda funksiya uni 0 deb tushunadi. Funksiyaning bu argumentiga qiymatlar kirim sifatida musbat ishora bilan yoziladi.
   
5. 
   Тип — to’lov turiga bog’liq argument bo’lib, u to’lov davr oxirida yoki boshida o’tkazilishiga qarab mos ravishda 0 yoki 1 qiymat qabul qiladi. Agar “тип” argument bo’sh qoldirilsa, funksiya uning qiymatini 0 ga teng deb oladi.