Evolyutsiya nazariyasi

VII. Ta’lim texnologiyalari va metodlari: ma’ruzalar; interfaol keys-stadilar; seminarlar (mantiqiy fiklash, tezkor savol-javoblar); guruhlarda ishlash; taqdimotlarni qilish; individual loyihalar.
VIII. Talabalar bilimini baholash mezoni
Fanning baholash mezoni O‘zbekiston Respublikasi Oliy va o’rta maxsus ta’lim vazirligining 2010 yil 25 avgustdagi 333-sonli buyrug’i bilan amalga kiritilgan, 1981-raqam bilan Adliya vazirligida ro`yxatga olingan “Oliy ta’lim muassasalarida talabalar bilimini nazorat qilish va baholashning reyting tizimi to’g’risida” gi Nizom asosida ishlab chiqilgan.
Ushbu mezon universitet bakalavriyat bosqichining biologiya ta’lim yo’nalishi 4-kursida o‘qitiladigan Evolyutsion nazariya fanidan talabalar bilimini nazorat qilish va baholashda foydalanish tavsiya etiladi.
Shuningdek, uslubiy ko‘rsatmada “Oliy ta’lim muassasalarida talabalar bilimini nazorat qilish va baholashning reyting tizimi to‘g’risida Nizom”da keltirilgan quyidagi asosiy vazifalar qamrab olingan:

• 
  talabalarda Davlat ta’lim standartlariga muvofiq tegishli bilim, ko’nikma va malakalar shakllanganligi darajasini nazorat qilish va tahlil qilish;
  
• 
  talabalar bilimi, ko’nikma va malakalarini haqqoniylik, ishonchlilik va qulay shaklda baholashni ta’minlash;
  
• 
  fanni talabalar tomonidan tizimli tarzda va belgilangan muddatlarda o’zlashtirilishini tashkil etish;
  
• 
  talabalarda mustaqil ishlash ko’nikmalarini rivojlantirish, axborot resurslari manbalaridan samarali foydalanishni tashkil etish;
  
• 
  talabalarning fan bo’yicha kompleks hamda uzluksiz tayyorgarligini ta’minlash.
  

Nazorat turlari va uni amalga oshirish tartibi
Evolyutsion nazariya fani bo‘yicha talabalarning bilim saviyasi, ko’nikma va malakalarini aniqlash hamda ularning o‘zlashtirish darajalarini Davlat ta‘lim standartlariga muvofiqligini ta‘minlash uchun quyidagi nazorat turlarini o‘tkazish nazarda tutiladi.