Eutt fakulteti

Avtotransport tarmog‘i korxonalarini loyihalash tartibi

Ishlab turgan korxonalar kerak bо‘lgan xajmdagi tashish ishlarini bajara olmagan xolda yangi avtotransport korxonasi loyixalanadi va qayta quriladi. Ishlab turgan korxonani takomillashtirish loyixasi undagi avtomobillar soni keskin о‘sganda yoki turi almashtirilganda, ishlab-chiqarish texnik bazasi talabga javob bera olmagan holda, yangi texnika va texnologiya joriy qilingan hollarda amalga oshiriladi. Aksincha, ICHTBdan samarali foydalanish maqsadida raqobatga bardosh bera olmaydigan ishlab chiqarish birlashmalari, avtokombinatlar, katta avtokorxonalar uchun qayta qurish loyixalari amalga oshirilishi mumkin.
ATK loyixasi mukammal qurilish bо‘yicha qо‘yiladigan barcha zamonaviy talablarga javob berishi kerak. ATK lar sanoat korxonalarini loyihalashning umumiy qoidalari asosida, bir yoki ikki bosqichda loyihalanadi. Ikki bosqichli loyihalash texnik loyiha va ishchi chizmalardan iborat. Bir bosqichli loyihalashda ular birlashtiriladi.
Loyihalashning ikkala bosqichidan oldin obyektni loyihalash topshirig‘i tuziladi.
Topshiriqda loyihalashda kerak bО‘ladigan barcha asosiy ma’lumotlar keltiriladi:

• 
  loyihalash uchun asos (qaror yoki buyruq),
  
• 
  qurilish uchastkasi, rayoni,
  
• 
  korxonaning vazifasi, ish tartibi,
  
• 
  xizmat kО‘rsatiladigan obyekt, trassa va rayonlar,
  
• 
  korxonaning kengayish imkoniyati va qurilish navbati,
  
• 
  taxminiy sarflanadigan mablag‘ va qurilish muddatlari,
  
• 
  bО‘lg‘usi korxonaning taxminiy kО‘rsatkichlari,
  
• 
  ishlatilishi mumkin bО‘lgan andozaviy loyihalar,
  
• 
  korxonani suv, issiqlik, gaz, elektr-energiya bilan ta’minlash manbaalari va boshqalar.
  

Loyihalash topshirig‘iga qurilish obyektining texnik-iqtisodiy asoslanishi, ajratilgan yer uchastkasining qurilish pasporti ilova qilinadi.
Texnik loyiha tasdiqlangan loyihalash topshirig‘i asosida bajariladi.
U quyidagi qismlardan iborat: umumiy, texnologik, qurilish, sanitariya-texnika, energetika, smeta, iqtisod.
Loyihaning texnologik va iqtisodiy qismlari avtoransport korxonalari uchun О‘ziga xos xususiyatga ega, boshqa qismlari esa, hamma qurilish tarmoqlarini loyihalash qismlariga О‘xshash bО‘ladi.
Loyihaning texnologik qismi hisoblash-tushuntirish xatidan, korxona bosh rejasi sxemasidan va asosiy texnologik jihozlarni rejalashtirishdan iborat bО‘ladi. Hisoblash-tushuntirish xati quyidagilarni О‘z ichiga oladi:
-Loyihalash uchun topshiriq (loyihalanayotgan korxona vazifasi, tuzilishi, ish tartibi, harakatdagi tarkib tasnifi, ishlatish tartibi, asosiy texnologik jarayon tavsifi va uni hisoblash meyorlari va boshqalar);
-TX va T bО‘yicha ishlab chiqarish dasturining, ishchilar sonining, texnologik jihozlarning, ishlab chiqarish va omborxonalar yuzasining hisoblari;

• 
  Mintaqa va ustaxonalarni rejalashtirish;
  
• 
  Texnologik yechimning texnik iqtisodiy kО‘rsatkichlari;
  
• 
  Loyihaning boshqa qismlarini hisoblash uchun ma’lumot, toshiriq va boshqalar.
  

Texnik loyihaning bosh reja sxemasida korxonaning uchastkada О‘rnashishi, binolarning joylashuvi, hududda avtomobillarning harakat chizmasi kО‘rsatiladi.