Эски турар-жой қурилишини режавий тавсифи

Инженерлик жиҳозларини модернизациялаш.

Турар-жой уйларини модернизациялаш деганда инженерлик тизимлари ва сантехник жиҳозларнинг уларнинг бинодаги ҳажмларини, олиб борилаётган ишнинг вазифасига кўра иш олиб бориш ҳамда маънавий эскиришни топиш тушунилади. Биноларнинг инженерлик жиҳозларини модернизация қилиш бўйича қилинадиган ишларни мажмуий капитал ремонт қилиш билан бир вақтда ёки турар-жой биноларининг меъморий-режавий ва конструктив ечимларини модернизациялашда амалга ошириш мақсадга мувофиқдир. Модернизация қилинган уйлардаги инженерлик қурилмалар тизими қуйидаги талабларга жавоб бериши лозим:

- амалдаги ҚМҚ меъёрларига мос ҳолда, санитар-гигиеник талабларга;
- иқтисодий талабларга, яъни оз материал сарфланганда энг кам меҳнат ва маблағ сарф бўлиши лозим;
- қурилиш талаблари, яъни тизим ва қурилмалар бинонинг режавий конструктив ечимлари билан узвий боғлиқ ҳолда бўлиши лозим;
- монтаж талаблари, яъни минимал ўлчов турлари сонида унификация боғламли завод тайёргарлигидан максимал фойдаланган ҳолда индустриал усулларда монтаж қилинишини таъминлаш;
- эксплуатациявий талаблар, яъни бошқарув ва ремонтда оддийлик ва қулайликка эга бўлиши, фойдаланишда эса хавфсиз бўлиши лозим;
- эстетик талаблар, яъни хонанинг ички архитектура пардози билан ҳамоҳанг бўлиши.
Турар-жой биноларининг инженерлик қурилмаларини модернизациялаш бўйича иш олиб боришда қуйидагиларни ҳисобга олиш лозим:

1. 
   инженерлик тизимлари ва санитария-техникавий жиҳозларнинг техник ҳолати;
   
2. 
   инженерлик қурилмаларнинг жисмоний ва маънавий эскириши;
   
3. 
   инженерлик тизимлари ва санитария-техникавий жиҳозларнинг эксплуатация қилиш даври.
   

Жисмоний эскириш деганда эксплуатация қилиш жараёнида емирилиш оқибатида инженерлик қурилмаларининг дастлабки хоссаларини аста-секин йўқотилиши тушунилади. Бу ҳодиса меъёрий талабларнинг ўзгаришидан келиб чиқадиган, қурилманинг эксплуатациявий сифатини пасайиши ёки йўқотилишини ифодалайди. Инженерлик тизимлари ва санитария-техника жиҳозларининг физик ва маънавий эскиришларининг фоизлик катталигини, уларнинг техник ҳолатини текшириш орқали аниқлаш лозим. Инженерлик қурилмаларининг модернизациясини инженерлик тизимлари айрим элементларининг ҳақиқий ишлаш муддатига ва замонавий техникавий ютуқларга кўра амалга оширилади. Турар-жой уйларининг инженерлик қурилмаларини модернизациялаш бўйича лойиҳа қисмларини, лойиҳанинг архитектура-қурилиш қисми тасдиқлангандан сўнг ишлаш лозим. Модернизация қилинадиган турар-жой уйларида маънавий эскиришга кўра санитария-техник жиҳозларни: икки комфоркали газ плиталарни тўрткомфорликка алмаштиришни, кран ва сув аралаштиргичлар ўрнатилиши ва бошқаларни кўзда тутиш лозим.