Эшқурбонова мунисахон бозор қизи

7- расм. Сорбентида сорбцияланган металл ионлари миқдорининг вақтга боғлиқлиги (С_Ме=0,1 н, т_сорб=0,1 г, рН=6, V=10 мл ).
7-расмдан кўриниб турибдики, берилган шароитда мувозанатга эришиш вақти ўрганилган сорбентда 50-80 минутни ташкил этади.
ХУЛОСАЛАР
1. Моноэтаноламин ва фосфор (V) сульфиднинг ўзаро таъсирлашиш маҳсулотининг эпихлоргидрин билан ўз-ўзидан полимерланиши ёки шу маҳсулотнинг формальдегид билан поликонденсацияланишидан комплекс ҳосил қилувчи янги 2 та полифункционал сорбентларни синтез қилиш усуллари ишлаб чиқилди.
2. Синтез қилинган сорбентларнинг Cu (II), Zn (II), Cd (II), Ag (I) ионлари билан 16 та координацион бирикмалари олинди ва уларнинг таркиби, тузилиши замонавий физик-кимёвий таҳлил усуллари ёрдамида исботланди ҳамда бу координацион бирикмаларнинг эритмадаги барқарорликлари аниқланди:
2. Олинган сорбентларининг эритма муҳитининг рН=3-4 интервалида Ag (I) ионлари билан ҳосил қилган координацион бирикмалари уларнинг Cu (II), Zn (II), Cd (II) ионлари билан ҳосил қилган координацион бирикмаларига нисбатан кўпроқ барқарор. Бу эса Ag (I) ионларини эритмадаги Cu (II), Zn (II), Cd (II) ионларидан ажратиш имконини беради.
3. МФСЭ ва МФСФ сорбентларининг таркибида дитиофосфат кислотали гуруҳи бўлиб, эритма муҳитининг рН=4-6 қийматида дитиофосфат гуруҳининг протонлари ва сорбент таркибидаги аминогуруҳ ҳисобига Cu (II), Zn (II), Cd (II), Ag (I) ионлари координацион боғ ҳосил қилади. Сорбентлардаги дитиофосфат гуруҳлари Cu (II), Zn (II), Cd (II) ионлари билан иккита тўрт аъзоли хелат халқа ҳосил қилади ва ушбу металл ионлари халқаларнинг марказида жойлашади. Ag (I) ионлари билан эса битта хелат халқа ҳосил қилиб координацияланиши аниқланди.
4. Маҳаллий хом ашёлар асосида синтез қилиб олинган сорбентларнинг хоссалари комплекс ҳосил қилувчи Purolite S950, Lewatit ТР260 Мonoplus каби саноат сорбентлари билан солиштирилди ва сорбцион хоссалари жиҳатидан улардан қолишмаслигига эришилди.
5. Ўтказилган тадқиқотлар натижасида олинган сорбентлар гидрометаллургия корхоналари оқава сувларидаги оғир металларни тозалашда ва нодир металларни уларга халақит берувчи рангли металлар ионларидан ажратиш учун қўлланишга тавсия этилди.