Ёшлар орасида гиёхвантлик ва оив инфекцияси тарқалишини олдини олишнинг долзарблиги

Фарғона давлат университети 4-сонли талабалар турар жойида “Ёшлар орасида гиёхвантлик ва ОИВ инфекцияси тарқалишини олдини олишнинг долзарблиги ” мавзусида ўтказилган тадбир
БАЁННОМАСИ
Қатнашдилар:
Фарғона давлат университети математика-информатика факултети Ёшлар билан ишлаш бўйича декан ўринбосари О Эркабоев,Фарғона давлат университети физика-техника факултети тиббий билим асослари фани котта ўқитувчиси О Парпиева,Фарғона давлат университети санъатшунослик факултети Ёшлар билан ишлаш бўйича декан ўринбосари О Рахимов,Фарғона шахар Марифат МФЙ прафилактика инспектори капитан О Азизов, тарбиячи-педагог М Ахмедов, гурух тюторлари ва 4-ттж да яшовчи талабалар иштирок этишди.
Мавзу юзасидан Фарғона давлат университети физика-техника факултети тиббий билим асослари фани котта ўқитувчиси О Парпиева сўзга чикди. Аввало, ОИВ ва ОИТС нималиги ҳақида сўз юритсак. ОИВ бу – одам иммун танқислик вирусидир. ОИТС бу – орттирилган иммунитет танқислиги синдроми, яъни ОИВ нинг симптомлар йиғиндисидан ҳосил бўлган вирус ҳисобланади. Вируснинг юқиши ОИТС ривожланишига олиб келиши мумкин. Бироқ, ОИВ юққанда ҳар доим ҳам иммунитет танқислиги синдроми ривожланавермайди. Терапиясиз ОИВ инфекцияси ривожланиши мумкин ва охир-оқибат у кўпчилик ҳолларда ОИТСга айланади. ОИТС ҳозир Бирлашган Миллатлар Ташкилоти ва Жаҳон соғлиқни сақлаш ташкилоти назоратида турган асрнинг долзарб ва глобал муаммоси ҳисобланади. ОИТС касллигига 1981 йилда америкалик олимлар томонидан кашф қилинган. 1980-1981 йилларнинг қишида Америка Қўшма Штатларининг Нью-Йорк университети шифохонасига 1972 йилда венгирялик олим Морит Капоши томонидан аниқланган Капоши саркомаси (тери саратони) ташхиси билан бир неча бемор ётқизилган. Бизга маълумки, бу касаллик бадан терисида жигарранг-қизғиш ёки кўкимтир-қизғиш тугунчаларнинг пайдо бўлиши, уларнинг яраларга айланиши ва яралар қуриш қўтир ҳосил қилиб, битиб кетиши билан кечадиган касаллик бўлиб, кўпроқ 60 ёшдан ошган қарияларда учрайди.
ОИВнинг дастлабки белгилари – Баъзи ОИВ билан зарарланган инсонларда касалликнинг белгилари ойлаб, ҳатто йиллаб ҳам кузатилмаслиги мумкин. 80 фоиз ҳолатда вирус билан зарарлангандан сўнг 2-6 ҳафтадан сўнг грипп билан зарарланган ҳолатдаги белгилар кузатилиши мумкин. Бу ўткир ретровирус синдроми дейилади. ОИВ бошланғич симптомлари – юқори ҳарорат, қалтираш, бўғимларда, мушакларда оғриқ, томоқ оғриғи, тунда кўп терлаш, безларнинг катталашуви, танада қизил рангли тошмалар, тез чарчаш, тезда вазн йўқотиш. Шуни ёдда тутиш керакки юқоридаги белгилар фақатгина ОИВ вируснинг ўзи билан эмас, балки иккиламчи вируслар билан зарарланган кейин юзага келади.
Хулоса қилиб шуни айтиш керакки хар бир инсон шахсий гигиена қоидаларига риоя қилиши зарур дея ўз сўзини якунлади.
Шундан сўнг Фарғона шахар “Марифат” МФЙ прафилактика инспектори капитан О Азизов сўзга чикиб аввало барча тадбир иштирокчиларига ўзини таништирди.Барча тадбир иштирокчиларини хушёрликга чақирди ва хозирги пайтда турли хил фирибгарлик йўли билан пластик карталардаги пулларни ечилиб олиниши,ёшлар ўртасида ўғирликларни , гиёхвантликларни учраб турганлигини тадбир иштирокчиларига хизмат вақтида учраётган турли хил мисоллар билан таъкидлаб ўтди,  ушбу турдаги жиноятлар ва гиёхвантликларни олдини олиш мақсадида маҳалла фуқаролар йиғини ва ҳудудлардаги профилактика инспекторлари томонидан кенг жамоатчилик ўртасида тарғибот-ташвиқот ишларини олиб борилмоқда.
Тадбир иштирокчилари ўзларини қизиқтирган саволларга мутахасислар тамонидан жавоблар олишди.
Тарбиячи-педагог М Ахмедов