Ёшлар билан ишлаш самарадорлигини ошириш, маҳаллий давлат ҳокимияти органларининг бу борадаги фаолиятини янада такомиллаштириш чора-тадбирлари тўғрисида

маҳалла фуқаролар йиғини раисининг ёшлар масалалари бўйича биринчи ўринбосари лавозими киритилсин.
Вазирлар Маҳкамаси (Б.А. Мусаев) Олий ва ўрта махсус таълим вазирлиги, Маҳалла ва оилани қўллаб-қувватлаш вазирилиги, Ёшлар ишлари агентлиги, маҳаллий давлат ҳокимияти органлари билан биргаликда бир ой муддатда ушбу идоралар тузилмалари ва лавозим йўриқномаларини мазкур қарор талабларига мувофиқлаштирсин.


3. Белгилансинки:
ёшлар билан ишлаш тизимини такомиллаштириш, уларнинг муаммоларини аниқлаш ва амалий ёрдам бериш мақсадида умумий ўрта таълим мактабларидаги 9 605 та ёшлар етакчилари штат бирлиги Ёшлар ишлари агентлиги ҳамда унинг ҳудудий бўлинмаларига, қолган 403 та штат бирлиги профессионал таълим муассасалари, Касбий таълимни ривожлантириш ва мувофиқлаштириш ҳудудий бошқармалари тизимига ўтказилади, шунингдек, уларнинг лавозимларига нисбатан амалдаги иш ҳақи миқдорлари сақлаб қолинади;
маҳалла фуқаролар йиғини раисининг ёшлар масалалари бўйича биринчи ўринбосари лавозими Ёшлар ишлари агентлигининг туман (шаҳар) бўлимлари штат бирликлари ҳисобидан шакллантирилади;
вилоятлар, Тошкент шаҳри ва туман (шаҳар) ҳокимининг ёшлар масалалари бўйича ўринбосари – Ёшлар ишлари агентлиги ҳудудий бошқармаси (бўлими) бошлиғи маҳалла фуқаролар йиғини раисининг ёшлар масалалари бўйича биринчи ўринбосари фаолиятини мувофиқлаштиради, самарали ташкил қилади ҳамда иш режаларини тасдиқлаб боради.
Ёшлар ишлари агентлиги (А.З. Саъдуллаев), Олий ва ўрта махсус таълим вазирлиги (А.Х. Тошқулов), Маҳалла ва оилани қўллаб-қувватлаш вазирлиги (Р.Т. Маматов) Давлат хизматини ривожлантириш агентлиги
ва Давлат бошқаруви академияси билан биргаликда уч ой муддатда маҳалла фуқаролар йиғини раисининг ёшлар масалалари бўйича биринчи ўринбосари, профессионал таълим муассасалари директорларининг ёшлар масалалари ва маънавий-маърифий ишлар бўйича ўринбосари лавозимларига аттестация натижалари асосида салоҳиятли кадрларни танлаш ҳамда уларни қисқа муддатли ўқув курсларида ўқитиш чораларини кўрсин.