4.2.3. ECMнинг бизнес устунликлари
Тармоқли таҳлилчилар нуқтаи назаридан ЕСМ концепцияси кўпгина бизнес-устунликларни таклиф этади. Ташкилотда ҳамма контентли ва жараёнга мўлжалланган технологияларни интеграцияловчи ECM-тизим турли бизнес-функцияларни амалга ошириш учун кўпгина технологияларни қўллаб-қувватлаш ва кучайтириш заруратини камайтирувчи унинг ҳужжатлар алмашувни бошқариш учун умумий инфратузилмани таъминлайди.
Ушбу ёндашувнинг моҳияти (у инфратузилма деб ҳам аталади) шундай иборатки, корпоратив таркиб фақат битта илова ёки тизимга тегишли бўлмаслиги керак. У аксарият иловалар учун қулай бўлиши ва улар орасида эркин тарқатилиши керак. ECM-инфратузилма (тармоқдаги аксарият вендорларнинг тегишли иловаларини ўз ичига олувчи инфратузилманинг) муҳим хусусияти ҳужжатлар таркибининг ягона универсал сақлаш жойига боғлиқ эмаслиги ҳисобланади. ECM-инфратузилмада кўпгина махсус (мерос қолган) маълумотлар (ҳатто рақобатлашувчи вендорлар) репозитарийлари, шу жумладан маҳсулотлар ҳақида электрон ҳужжатларни сақлаш жойи, электрон почта, Web-таркибни сақлаш жойи, файл тизимлари ва ҳатто МББТни киритган ҳолда интеграцияланади.
Шу тариқа, ECM-инфратузилма (умуман корхона бўйича исталган жойдан талабнома бериш имконини берган ҳолда) ҳар бир маълумот репозитарийсига умумий интеграция қатламини (ёки виртуаллашни) таъминлайди, шу билан бирга электрон ҳужжатларни бошқариш тизимлари ва ҳужжатлар таркибини бошқаришнинг кўплаб вендорларга интеграциялаш заруратини камайтиради. Бундан ташқари, ECM-инфратузилма ёрдамида шахсийлаштириш, фойдаланиш назорати, фойдаланувчиларнинг ваколатларини бошқариш сингари корпоратив ҳужжатлар таркибини бошқариш сервисларини амалга оширади (бу ЕСМ-тизимни администрациялаш ва бирга олиб боришни соддалаштиради).
4.2.4. ECM-тизимнинг имкониятлари
ECM-тизимнинг имкониятларини бир неча асосий категорияларга ажратиш мумкин:
Ҳужжатлар таркибини бошқаришнинг умумий функциялари. Ҳужжатлар таркибини бошқаришнинг умумий функциялари деганда кўплаб электрон объектларни (тасвирлар, офис ҳужжатлари, графиклар, чизмалар, Web-таркиб, электрон почта, видео, аудио ва мультимедиани) бошқариш қобилияти тушунилади. ECM-тизим турли кутубхона сервисларига (таркибни профилактикалаш, check-in/check-out функциялари, версияларни бошқариш, ревизиялар хронологиясини юритиш, ҳужжатлардан фойдаланиш хавфсизлигини таъминлашга) эга электрон объектларнинг ҳамма турлари учун репозитарийни, шунингдек, унинг ҳаёт даври давомида ушбу объектларни бошқариш қобилиятини таъминлайди.
Жараёнларни бошқариш функциялари. Жараёнларни бошқариш функциялари деганда, бизнес-жараёнлар ва ишлар оқимини автоматлаштириш ва бошқариш қобилияти тушунилади.
Бошқа ECM-тизимлар билан интеграция. ECM-тизимларнинг ташқи ERP-тизимлар, офис иловалари, ҳужжатлар таркибини сақлаш жойи, бошқа ЭҲАТлар билан интеграцияси қобилиятини англатувчи бошқа ECM-тизимлар билан интеграция. Интеграция объектга мўлжалланган (EJB сингари) интерфейслар, коннекторлар, API-интерфейслар, EAI корпоратив иловалар интеграцияси технологиялари(Enterprise Application Integration)дан фойдаланишни ўз ичига олувчи турли ёндашувлар ёрдамида бажарилиши мумкин.
Қайд этиш мумкинки, ECM ҳозирга қадар концепция сифатида мавжуд, ҳозирда ECM-инфратузилмаси маълум даражада ЭҲАТ бозорини ривожлантириш истиқболларига қарашни акс эттиради. Масалан, баъзи тармоқ вендорлари ҳужжатлар таркибини бошқариш ҳақида фикр билдиради, бироқ улар ўз тизимларини Web-таркиб ёки офис ҳужжатларини бошқаришга қаратади. Бундан ташқари, корхона бўйича махсус репозитарийларни интеграцияловчи очиқ ЕСМ-инфратузилмани яратиш усулларига аниқ қарашлар мавжуд эмас. (EDMS-тизимлар етакчи ишлаб чиқарувчиларининг қарорларини тадқиқ этган) Doculabs компаниясининг баҳосига кўра, гарчи вендорлар ECM концепциясининг муҳимлигини тан олса-да, уларни ўз тизимларида тўлиқ амалга ошириши узоқ муддатли жараён.
Do'stlaringiz bilan baham: |