Erkin vohidov

56-umumta’lim maktabi ona tili va adabiyot fani o`qituvchisi Shahnoza Saparova

ning “Shoir ,she’r va shuur”nomli tadbir

ishlanmasi

ERKIN VOHIDOV
(1936-2016)


Erkin Vohidov tavalludining 80 yilligiga bag’ishlab o’tkazilgan “Shoir, she’r va shuur” deb nomlangan tadbir ssenariysi.

Tadbirni o’qituvchi ochib beradi:

Assalomu alaykum ,aziz ustozlar ,she’riyat shaydolari.Bu yil o’zbek adabiyotining zabardast vakillaridan biri O’zbekiston xalq shoiri Erkin Vohidov tavalludining 80 yilligini keng nishonlash haqida prezidentimiz farmoni e’lon qilindi .Shu munosabat bilan maktabimizning 5-“D” sinf o’quvchilari “Shoir, she’r va shuur” deb nomlangan tadbir tayyorlaganlar Ushbu tadbirni e’tiboringizga havola etadilar.Marhamat tinglab dam oling.

1-o`quvchi: Vaqt,zamon –oliy hakam,

Na qilich ,na tig’ bekor

She’r qolur,shoir qolur ,

Garchand kechur vaqt-u zamon

2-o`quvchi: Bag’ring tole nuriga to`lsin

Ona yurtim –munis makonim.

To tirikman ,seniki bo’lsin ,

She’rim,

Umrim,

Yuragim,

Jonim….

3-o`quvchi: Assalomu alykum, aziz zamondosh! O'zbekiston Qahramoni, zabardast ijodkor, o'tkir qalam sohibi E.Vohidov tavalludining 84 yilligiga bag'ishlangan “Shoir, she’r va shuur” nomli tadbirimizga xush kelibsiz.

4-o’quvchi: Men jilgaman ,daryo bolib to`lgim keladi,

Ona yurtim,senga o`g`lon bo`lgim keladi.

Bugun senga faqatgina sher bag’ishladim,

Kerak bo`lsa jonni fido qilgim keladi

5-o’quvchi: Ona yurtiga haqiqiy o`g`lon bo`lib, o`zbek adabiyotida munosib iz qoldirgan yorqin yulduzlardan biri iste’dodli shoir Erkin Vohidov 1936-yil 28-dekabrda Farg‘ona viloyatining Oltiariq tumanida tug‘ilgan. Otasi Cho‘yanboy, onasi Roziyaxon davrning obro‘-e’tiborli, ma’rifatli kishilari edi. Ota-onadan yetim qolgan Erkin toshkentlik tog‘asining qo‘lida qoladi. 1955 yil o‘rta maktabni, 1960 yil ToshDUning filologiya fakultetini tugatadi. 7-sinfda o‘qib yurganida «Mushtum» jurnalida birinchi she’ri bosiladi. Shoir «Yosh gvardiya» nashriyotida (1960-1963, 1975-1982), G’afur G’ulom nashriyotida (1963-1970) ishlaydi. «Yoshlik» oynomasiga boshchilik qiladi. Oshkoralik qo‘mitasi rahbari, Respublika adiblar ittifoqi boshlig‘i bo‘ladi. Uning birinchi she’rlar to‘plami 1961 yilda «Tong nafasi» nomi bilan talabalik yillaridayoq bosilib chiqqan. Erkin Vohidov bolalik xotiralarini eslab: «O’ylab qarasam, bolalik xotiralarimning ko‘pchiligi she’rlarga, dostonlarga ko‘chgan ekan. «Nido», «Kuyosh maskani» poemalari, «Bolalik», «Oqsoqol», «Bolalik ekan-da...» she’rlari o‘sha murg‘ak tasavvur, ilk xotiralarning mevasi bo‘lgan» - deb yozgan edi o‘z tarjimai holida. Uning asarlarida she’r va shoir haqidagi qarashlar bayon etilgan.Erkin Vohidov I. Gyote, S. Yesenin, A. Blok, M. Svetlov, A. Tvardovskiy, R. Hamzatov asarlarini tarjima qilgan.

6-o`quvchi:«Odamlarga faqat she’ring emas, o‘zing ham kerakligingni sezish - bu katta baxt» - deb yozgan edi shoir o‘z tarjimai holida. Erkin Vohidov «Buyuk xizmatlari uchun» ordeni va «O’zbekiston qahramoni» unvoni bilan taqdirlangan.