Erkin vohidov

E.Vohidov haqidagi zamondoshlar fikri o'quvchilar tomonidan aytiladi, orqa fonda videolavha namoyish etiladi. (Shoirning o`zi aytgan "Uzum" g`azali eshittiriladi)

7-o`quvchi:«Hech ikkilanmay, komil ishonch bilan aytish mumkinki, Erkin Vohidov o‘zbek she’riyatining ko‘rki va faxri. Bu fikrda zarracha mubolag‘a yo‘q». (Ozod Sharafiddinov, O’zbekiston qahramoni )
"Zamonamiz Shum bolasi" sahna ko'rinishi namoyish etiladi.

8-o`quvchi:

Erkin Vohidov dastlab hayot, go’zallik, yoshlik, muhabbat kuychisi bo’lib maydonga chiqdi. Taqdir in’om etgan hayot, saodat, yoshlik, muhabbat sururini, hayotdan rizolikni to’lib – toshib kuyladi. Xalqimiz erishgan yutuqlar uning shonli tarixi, qo’lga kiritgan g’alabalari to’g’risida baxt iftixoriga to’la satrli bitdi. Jumladan, “Yoshligim” g’azalida yoshlik sururidan jo’shib yozadi.

Yoshligim, kel, kuyga to’lgan

Qalbim oltin so’zi bo’l.

Men qo’shiq aytay to’lib,

Bir lahza jo’r ovozi bo’l.

9-o`quvchi:Ba’zi munaqqidlar ishqiy kechinmalarni kuylash, ko’hna she’riy shakl – aruzga murojaat qilishni zamondan uzoqlashish deb atadilar. Erkin Vohidov “Yoshlik devoni” kitobining “Debocha”sida shunday qarashlar bilan bahsga kirishadi.

Istadim sayr aylamoqni

Men g’azal dostonida

Kulmangiz, ne bor senga deb,

Men Alisher yonida.

She’riyat dunyosi keng

Gulzori ko’p, dostoni ko’p.

10-o`quvchi:Zamon daryosi qaydan oqib kelayotgani va qayga oqib ketayotganini bilish g`oyatda mushkul.Lekin biz E.Vohidov she’rlarida aks etgan zamon daryosiga sho’ng`iymiz va undan tozarib yasharib masarratga to`lib chiqamiz “O`zbegim”ning milliy uyg`onishimizga ko`rsatgan ta’sirini hech narsa bilan tenglashtira olmaymiz.