Эркаклар жинсии тизими аъзолари

ЭРКАКЛАР ЖИНСИИ ТИЗИМИ АЪЗОЛАРИ:
Э ркак жинсий қўзғатилганда қонга тўлган юмшоқ тўқима ва олат қаттиқ бўлиб, эррекция ҳолатига келади ва қиннинг ичига кириш имконини беради. Мояк халтачасининг вазифаси, мояклар уруғ (сперма) ишлаб чиқаришлари учун уларни керакли бўлган ҳароратда ушлаб туришдан иборатдир. Сийдик пуфагининг тагида простата бези жойлашган, у сперманинг нобуд бўлишдан сақлаб қолувчи ажратмаларни ишлаб чиқаради.
Эркак сийдик чиқарув каналининг иккита вазифаси бор. Эркак киши сийганда, бу канал сийдикни сийдик пуфагидан олиб
чиқади. Жинсий алоқа вақтида, у спермани олиб чиқади. Жинсий ҳиссиётлар энг юқори чўққисига етганда, сперма сийдик канали орқали олатдан ташқарига чиқади. Бу жараён оргазм, сперма чиқиши ёки эякуляция деб аталади. Ҳар бир эякуляцияда ўнлаб миллион уруғлар мавжуд бўлади, лекин фақатгина биттаси тухум ҳужайрасини уруғлантиришга эришади. Ўғил болаларда 12-14 ёшда тунлари ихтиёрсиз равишда олатидан суюқлик чиқади, яъни тунги бўлғаниш бўлади. Эркак киши жинсий аъзолари тизимини озода сақпаса уларни парвариш қилган бўлади.
Эркаклар жинсий аъзоларини парвариш қилишнинг яна бир йўли, уларни ҳимоя қилишдир. Фаол спорт машғулотлари билан шуғулланганда бирор нарсанинг олат ва моякка қаттиқ куч билан тегиши унинг шикастланишига сабаб бўлиши мумкин.
Агар эркак киши олат ёки моякда, оғриқ ёки бирон шиш сезса, уни зудлик билан шифокор ҳузурига йўналтириш керак.
АЁЛЛАР ЖИНСИЙ АЪЗОЛАРИ ТИЗИМИ ОРГАНЛАРИ:
А ёл кишининг жинсий аъзолар тизими, эркак кишиникига нисбатан анча мураккабдир. Аёлнинг жинсий аъзолари тизими, эркакларнинг жинсий аъзолари тизимига нисбатан кўпроқ маъсулиятга эга. У, сперма томонидан уруғланти-рилиши мумкин бўлган тухум хужайрасини ишлаб чиқаради ва эркак спермаси билан аёл тухум хужайраси учрашганда, уруғланади. Бу жараён ҳомиладорлик деб аталади. Ҳомила она бачадонида етилгач, чақалоқ туғилади. Аёллар жинсий аъзолари ташқи ва ички қисмдан иборат. Ташқи жинсий аъзоларга катта ва кичик уятли лаблар, клитор, қин даҳлизи, бартолин безлари киради. Қин - бачадонга олиб борадиган йўл.
Жинсий алоқа вақтида эркак олати қинга киритилади. Бачадон - асосий репродуктив аъзо бўлиб, туғмаган аёлларда оғирлиги 50, туққан аёлларда 100 г келади. Балоғатга етганда ҳайз кўрилади. Ҳомиладорлик вақтида бачадонда ҳомила ривожланади ва озиқланади, ҳомила билан бир қаторда бачадон ҳам катталашади ва унинг вазни 1000 граммгача ошади. Бачадон пайчалари - бачадон билан иккита тухумдонни боғлаб турадиган каналлар (фаллопий найлари).