Ergashxodjaeva Sh. Dj., Samadov A. N.,Alimxodjayeva, N. E., Sharipov I. B. Marketing kommunikatsiyasi

Nazorat va muhokama uchun savollar 

---

351 
1.
Reklama kampaniyalari, ularning mohiyati va mazmunini izohlab bering? 
2.
Reklama kampaniyalari klassifikatsiyasini izohlang? 
3.
Reklama kampaniyalarini rejalashtirish texnologiyasi nima? 
4.
Byudjet miqdori bo‘yicha reklama kampaniyalarini rejalashtirish variantlarini 
izohlang? 
5.
Reklama kampaniyalarini rejalashtirish bosqichlarini sanab bering? 
6.
Reklama kampaniyalarini strategik rejalashtirish deganda nimani tushunasiz? 
7.
Reklama samaradorligi va reklama faoliyati nazoratini rejalashtirish deganda 
nimani tushunasiz? 
8.
Reklama tadqiqoti, uning maqsadi va vazifalariga nimalar kiradi? 
9.
Reklama tadqiqot usullariga nimalar kiradi? 
10.
Savdo taklifi, uning mohiyati va mazmunini izohlang? 
 
 

---

352 
18-BOB. REKLAMA STRATEGIYALARI 
18.1.
Rivojlanishning asosiy strategiyalari
 
Taraqqiyot strategiyasini ishlab chiqishning birinchi bosqichi egallab turilgan 
raqobatli ustunlikning tabiatini aniqlab olishdan iborat bo‘lib, bu ustunlik kelgusidagi 
strategik va taktik qadamlar uchun asos bo‘lib qoladi. 
Yuqorida raqobatli ustunlikni ikki xil o‘lchash orqali: “unumdorlik” (xarajatlar 
bo‘yicha ustunlik) va “bozor kuchi” (maqbul maksimal sotish narxiga nisbatan 
ustunlik) bo‘yicha aniqlash mumkinligi ko‘rsatilgan edi. Firmaning xususiyatlari, 
uning kuchli va kuchsiz tomonlari hamda uning raqobatchilarini hisobga olgan holda 
qaysi ustunlikni tanlash kerak? degan savol tug‘iladi. Boshqacha qilib aytganda, 
ma’lum bir tovar bozorida qaysi ustunlikni himoya qilish osonroq? 
Bunday ustunlikni aniqlab olish uchun raqobatli vaziyatni tahlil qilib chiqib, 
quyidagi savollarga javob berish lozim: 
-ko‘rib chiqilayotgan tovar bozori yoki segmentda muvaffaqiyatning hal qiluvchi 
omillari qaysilar? 
-bu hal qiluvchi omillar nuqtai nazaridan firmaning qanday kuchli va kuchsiz 
tomonlari bor? 
-mana shu hal qiluvchi omillar nuqtai nazaridan eng xavfli raqobatchining qanday 
kuchli va kuchsiz tomonlari bor? 
Firma bu ma’lumotlardan kelib chiqqan holda: (a) qaysi raqobatli ustunlikka 
nisbatan eng yaxshi pozitsiyada ekanligini aniqlab olishi; (b) muayyan sohada bunday 
ustunlikka erishishga qaror qilish; (v) o‘z raqiblarining raqobatli ustunligini bartaraf 
etishga urinishi mumkin. 

---

353 
Raqobatli afzalliklar