Ergashxodjaeva Sh. Dj., Nazarova F. M

 
10.7. Xalqaro texnologiyalarni berish shakllari 
 
Xalqaro texnologiyalarni berish xalqaro savdoning muhim bir qismi hisoblanadi. 
Hozirgi  paytda,  sanoati  rivojlangan  mamlakatlar  o’z  to’lov  balansini  texnologiyalar 
eksporti  hisobiga  yaxshilashga,  rivojlanayotgan  mamlakatalr  esa  sanoatlashtirish 
hisobiga  iqtisodiyotni  zamonaviylashtirishga  intilayotgan  sharoitlarda  xalqaro 
texnologiyalar berishni jadallashtirish muhim ahamiyat kasb etadi. 
Texnologiya  –  bu  amaliy  maqsadlarga  erishish  uchun  ko’llaniladigan  ilmiy 
usullar.  Texnologiya  tushunchasiga  tovar,  jarayoni  va  boshqarish  texnologiyalar 
kiradi.  Xalqaro  texnologiyalar  berishi  davlataro  fan-texnika  yutuqlardan  tijorat 
asosida foydalanishni ko’zda tutadi.   
Xorijiy  fan-texnika  yutuqlarida  foydalanishga  misol  qilib  YAponiyani  keltirish 
mumkin.  Xorijiy  fan-texnika  yutuqlari  va  bilimlari  bu  mamlakatga  texnik  jihatdan 
yangi va mukammal mahsulot ishlab chiqarish, shuningdek, uning hisobiga o’z ilmiy-
texnik  loyihalarini  rivojlantirish  va  bu  mahsulot  bilan  jahon  bozoriga  chiqish 
imkonini berdi.  
Xalqaro texnologiyalarni berish quyidagi shakllarda amalga oshiriladi
1
: 
• patent kelishuvlari; 
• Litsenziya kelishuvlari; 
• injiniring kelishuvlari; 
• ilmiy-texnik hamkorlik va ilmiy-texnik kooperasiya to’g’risida kelishuvlar.