Ergashgan qo`shma gaplarning sodda gap bilan ma’nodoshligi tarkibida ko`rsatish olmoshi mavjud bo`lgan ergashgan qo`shma gaplar tegishli sodda gaplar bilan ma’nodosh bo`la oladi

SHART ERGASH GAPLI QO`SHMA GAP
Bosh gapdan anglashilgan ish-harakatning qanday shart bilan yuzaga kelishini bildiradi.
Masalan: Agar siz menga o`rgatsangiz men uddalab ketaman.
 Shart tobe gap “a” bo`lganda edi “b” bo`lar edi. “a” bo`lmasa “b” bo`lmaydi» qolipida bo`ladi: 
Masalan:Qalb salomat bo`lsa fikr ham salomat bo`ladi. Agar u yaxshi tarbiya ko`rganda edi, bugun uni qamoqda ko`rmasdingiz.
Shart ma’nosini ta’kidlash uchun tobe gap tarkibida agar, bordi-yu, vasharti, mabodo bog`lovchilari ham qo`llanilishi mumkin.
Masalan: Bordi-yu xat to`g`risida bir og`iz gapirilsa, Saidiy hammasini aytib beradi.
TO`SIQSIZ ERGASH GAPLI QO`SHMA GAP
Bosh gapdagi mazmunga zid bo`lsa ham, unda ifodalangan Voqea-hodisaning yuzaga kelishiga to`siq bo`la olmagan holatni ifodalaydi:
Masalan: Quyosh porlab tursa ham, kun ancha sovuq edi.
To`siqsiz tobe gap quyidagicha bog`lanadi.
-sa + ham, -sa + da yuklamasi shaklida.
 Masalan:Qo`rg`onimiz kichik bo`lsa ham, ichida bir tup o`rik bor. Kechalari salqin bo`lsa-da, kunduzi quyosh porlaydi.
-ga + qaramay ko`makchisi shaklida:
Masalan: Farrux ko`p qistashiga qaramay, Jamol hech narsa demadi.
NATIJA ERGASH GAPLI QO`SHMA GAP
Bosh gapdan anglashilgan ish-harakatning natijasini bildiradi: Do`l shunday yog`diki, yer oppoq bo`lib ketdi.
-ki yordamida bog`lanadi. Bosh gap tarkibida shunday, shu qadar, shu darajada, chunon so`zlari qo`llanadi: U shunday kuldiki, hech kim
chidab turolmadi. Opa haqida shu qadar zavqlanib gapirdiki, hamma mahliyo bo`ldi
O`XSHATISH ERGASH GAPLI QO`SHMA GAP
Bosh gapdan anglashilgan ish-harakatning bajarilishini o`xshatish yo`li bilan izohlaydi:
Masalan:
Quyosh tongni isitganday, do`stlik qalbni isitadi.