Er va xotinning huquq va majburiyatlari

Er va xotinning huquq va majburiyatlari

Konstitutsiyamizning 18-moddasida:

“O’zbekiston Respublikasida barcha fuqarolar bir xil huquq va erkinliklarga ega bo’lib, jinsi, irqi, millati, tili, dini, ijtimoiy mavqeyidan qat’iy nazar qonun oldida tengdirlar” deyilgan.

Bilasizmi

2019 yil 2 sentyabrda “Xotin-qizlar va erkaklar uchun teng huquq hamda imkoniyatlar kafolatlari to’g’risida”gi O’RQ-562-sonli Qonun O’zbekiston Respublikasi Prezidenti tomonidan imzolandi. Qonunga ko’ra, xotin-qizlar va erkaklarga davlat tomonidan teng huquq va imkoniyatlar kafolatlanadi, ularni jinsi bo’yicha kamsitishga yo’l qoyilmaydi
.

Bunda :

• bola tug’ish va ko’krak suti bilan oziqlantirish;
• muddatli harbiy xizmatga faqat erkaklarni chaqirish;
• ushbu Qonun asosida gender siyosati amalga oshirilishida vaqtinchalik maxsus choralar ko’rish;
• qamoqda saqlash, jazoni ijro etish joylarida saqlash tartibida farqlarni belgilash kabilar jinsi bo’yicha kamsitish hisoblanmaydi

• .

Oilada er-xotin o’rtasida quyidagi shaxsiy tengliklar vujudga keladi:

Familiya
Er-xotinning
Er-xotinning

Okning 23-moddasida er va xotinning umumiy mulkiga oid norma belgilangan

Er va xotinning nikoh davomida orttirgan mol-mulklari, shuningdek, nikoh qayd etilgunga qadar, bo’lajak er-xotinning umumiy mablag’lari hisobiga olingan mol-mulklari, agar qonun yoki nikoh shartnomasida boshqacha hol ko’rsatilmagan bo’lsa, ularning birgalikdagi umumiy mulki hisoblanadi.

E’tibor qiling!

Nikohni tegishli tartibda qayd etilmay turib er-xotin bo’lib yashash ularning mulkini birgalikdagi umumiy mulk deb topish uchun asos bo’lmaydi.

Xususiy mulkka quyidagilar kiradi:

• Er yoki xotinning nikohga qadar faqat o’ziga tegishli bo’lgan mulki (masalan, uy, uy jihozlari, omonat kassasiga qo’yilgan pul, qimmatbaho qog’ozlar va boshqalar );
• Nikoh davomida olgan hadya yoki meros tariqasida olgan mulklari;
• To’y sovg’alari, agar ular er yoki xotindan birining shaxsiy foydalanishi uchun mo’ljallangan bo’lsa;
• Er yoki xotin tomonidan olingan Davlat mukofotlari va sovg’alar (masalan, oltin soat, mototsikl, avtomobil va h.k.)