Er ustida yuradigan relssiz va relsli transport vositalari

4.2. ROLIK PLATFORMALI QO‘L ARAVACHALARI
Uning sxemasi 36 - rasmda keltirilgan.

36 – rasm. Aylanma platformali travers arachaning sxemasi:

1 – platforma; 2 – aylanma o‘q; 3 – rama; 4 – g‘ildirak; 5 – yo‘l fiksatori; 6 – perila.
U shchit detal to‘plam (taxlam)larini ularga mexanikaviy ishlov berish va pardoz berish uchun ushbu ishlarni bajaradigan liniya yoki davriy ishlaydigan stanoklar yoniga keltirish yoki ulardan olib ketishda xizmat ko‘rsatadi. Aravacha detal to‘plamlarini dumalatish (zakatыvat) uchun rolikli platforma bilan jixozlangan. Rolganglar ustidagi shchit detallarni sirpanib ketmasligi uchun ushlab turish mexanizmi (stoporeniya) ko‘zda tutilgan. Ushlab turish richagni pastki xolatga o‘tkazish orqali amalga oshiriladi. Aravachani yuklash va undan yukni tushirishda uni yurib ketmasligi uchun rolganglarning oxirgi seksiyasiga ilgak (zatsepa) moslamasi o‘rnatilgan.
Quyida rolik platformali qo‘l aravachasining asosiy ko‘rsatkachlari keltirilgan.
Yuk ko‘taruvchanligi, kg ……...........……………..…………800
Gabarit o‘lchamlari, mm:
uzunligi………..……................................................…….1860
eni (kengligi)….……. .......................................................760
umumiy balandligi……..................................................... 965
poldan rolikkacha bo‘lgan balandligi…….................….280-365
O‘zi yurar aravachalar. O‘zi yurar aravachalar ancha og‘ir yuklarni (500kg dan ko‘p) 100-500 m va undan ortiq masofaga tashish ishlarida qo‘llaniladi. Ularning ikki tipi (ko‘rinishi) mavjud: akkumlyatorli elektr aravachalar (elektrokara) va avtoelektroaravachalar. Bu ikkinchi tipdagi aravachalar uncha kuchli quvvatga ega bo‘lmagan ichki yonar dvigatelli, o‘zgarmas tok generatori va elektrodvigatel bilan jixozlangan. Ammo ikkinchi tip aravachalar amalda qo‘llanilmaydi.
37 -rasmda ko‘tarma stolli elektrokara sxemasi keltirilgan. Aravacha haydovchi (voditel) tomonidan boshqarib boriladi.

37-rasm. Ko‘tarma stolli elektrokara