Ёнfин хавфсизлиги

Ёнғин ҳақидаги аризани рўйхатга олиш тартиби. Ариза олингандан кейинги процессуал ҳаракатлар /2; 6/

Ёнғин ҳақидаги ариза, хабарни дастлабки текширишни амалга ошириш тартиби. Текшириш пайтида ҳал қилиниши зарур бўлган масалалар.
Текшириш учун асос бўлиб ёнғин ҳақидаги ариза ёки хабар, ёнғин ҳақидаги далолатнома хизмат қилиши мумкин.
ДЁН органлари ҳар бир ёнғин бўйича изчил текширувлар олиб бориши шарт ва бу текширишнинг асосий мақсади эса – ёнғин келиб чиқиш сабабини ва унга айбдор шахсларни ҳамда жиноят белгиларининг бор-йўқлигини аниқлаш.
Текшириш ишлари ёнғин содир этилган объект бириктирилган ДЁН инспектори томонидан ёки суриштириш ишларига мутахассислашган махсус инспектор томонидан олиб борилади. ЎзР ЖПК нинг 329 моддасига асосан текшириш ишлари ёнғин ҳақидаги ариза ёки хабар олинган вақтдан бошлаб 3 кун ичида, айрим ҳолатларда эса, истисно сифатида 10 кундан ошмаган муддат ичида олиб борилади.
Ёнғинларни текшириш чоғида қуйидагилар аниқланиши лозим:

1. 
   Ёнғиннинг содир этилган вақти, жойи, унинг ривожланиши ва ўчирилиши ҳақидаги маълумотлар.
   
2. 
   Ёнғиннинг келиб чиқиш сабаби ва унга айбдор шахслар, уларнинг жавобгарлиги характери ва жавобгарлик даражасига таъсир кўрсатувчи ҳолатлар (омиллар) (маъмурий ёки жиноий жавобгарликка тортиш керакми ёки йўқлиги).
   
3. 
   Моддий зарарнинг миқдори, ҳалок этганлар ва жароҳат олганларнинг мавжудлиги, ёнғиннинг бошқа оқибатлари.
   
4. 
   Масканнинг ёнғин чиқишга қадар бўлган ёнғин хавфсизлиги ҳолати ва бу ҳолатнинг ёнғин чиқишига, унинг тарқалишига ва ёнғин оқибатларига бўлган сабабий боғлиқлиги ёки алоқадорлиги (ёзма кўрсатмалар ва бошқа ҳужжатлардаги маълумотларни ўрганиб чиқиш, мансабдор шахсларни сўроқ қилиш ва шу кабилар).
   
5. 
   Жиноят таркиби белгиларининг бор-йўқлигини аниқлаш (жиноятнинг объекти, объектив томони, субъекти ва субъектив томонлари).
   
6. 
   Ушбу ишни юритишни тўхтатиб қўйиш учун қонунчиликда белгиланган ҳолатларнинг мавжудлиги (айбдорнинг вояга етмаганлиги, вафот этганлиги ва бошқалар)
   
7. 
   Ёнғин келиб чиқишига ва унинг тарқалиб кетишига сабаб бўлган шарт-шароитларни аниқлаш.
   

Ёнғинни текшириш қуйидагиларни аниқлаш орқали амалга оширилади:
-ёнғин бўлган жойни батафсил кўздан кечириш;
-гувоҳлар, жабрланувчилар, айбдор шахслар, ўт ўчиришда қатнашган шахслар, масканнинг ёнғин хавфсизлиги ҳолатига ва уни қўриқлашга масъул (жавобгар) шахслардан тушунтириш хатлари олиш (сўроқ қилиш);
-корхона маъмурияти томонидан ёнғинни текшириш бўйича тузган далолатномасини, тегишли техник ва хизмат ҳужжатларини, мутахассисларнинг (электриклар, химиклар, технологлар ва ш.к.) ёзма хулосаларини талаб қилиб олиш;
-шунингдек охирги ўтказилган инвентаризация ва ревизия далолатномаларини, корхона раҳбари ва бош ҳисобчи имзо қўйган моддий зарар тўғрисидаги маълумотномани талаб қилиб олиш.
Ёнғинни текшириш якунида ДЁН органлари томонидан белгиланган муддат ичида қуйидаги қарорлардан бири қабул қилиниши керак:

1. 
   Жиноят ишини қўзғатиш тўғрисидаги Қарор.
   
2. 
   Жиноят ишини қўзғатишни рад этиш тўғрисидаги Қарор.
   
3. 
   Текширув материалларини тегишли органларга ошириш тўғрисидаги Қарор.
   

8.