Ёнfин хавфсизлиги

24. ДЁН ёзма кўрсатмасини расмийлаштиришга қўйиладиган талаблар. Ёзма кўрсатмани бажарилиши юзасидан назорат ўрнатиш /6/
Ёнғинга қарши ҳолат текширув натижаси бўйича корхона, муассаса, ташкилот раҳбарларига, бошқа жавобгар шахсларга ёнғин хавфсизлиги юклатилган шахслар ва айрим фуқароларга меъёрни, ёнғин хавфсизлигига қаратилган қоида ва стандартлар бузилганлиги бўйича бартараф этилиши керак бўлган тадбирлар, ёнғин чиқмаслигига қаратилган чора-тадбирларни бажариш ҳақида ёзма кўрсатма берадилар.
ДЁН ходимлари ёнғинга қарши ҳолат текшируви вақтида аниқланган ёнғин хавфсизлиги камчиликларини бартараф этиш мақсадида маъмурият ходимларига керакли чора қўллашлари лозим.
Кўрсатмаларга бошқа асосланган тадбирлар хам киритилади, шулар қаторида бино ва иншоотлар, ёнғинга қарши ҳолати таҳлили, содир бўлаётган ёнғинлар, фойдаланишга топширилган қоида, меъёрларни ўзгартириш ва қўшимча киритилган чора-тадбирлар.
Олдинги текшириш натижалари бўйича кўрсатмалардаги бажарилмаган тадбирлар янги кўрсатмаларга қўшилади. Бу тадбирларни бажариш янги муҳлати кўрсатилмайди, тадбирлар бажарилиши лозимлиги тавсия этилган йили кўрсатилади.
Кўрсатма икки нусхада тайёрланади:
1-чи нусха текшириш тугагандан сўнг 5 кун ичида кечиктирилмай фақат корхона раҳбарларига, агар корхона раҳбари йўқ бўлса вазифасини ўтаётган шахсга қўл қўйдириб бажаришга топширилади.
2-нусха ДЁН хизматида назорат учун қолади.
Литерли объектлар учун кўрсатма 3 нусхада тайёрланади, 3-нусха кўрсатма корхона раҳбарига топширилгандан кейин, ИИВ-ИИБ ёнгин хавфсизлиги бошқарма ва бўлимларига юборилади.
Кўрсатмага текширув ўтказган ДЁН ходими қўл қўяди.
Литерли объектлар текшируви натижаси бўйича кўрсатмага бригада раҳбари қўл қўяди, агарда кўрсатмага қўшимча тадбирлар қўшиш керак бўлса, давлат ёнғин назоратчиси кўрсатмага алоҳида қўшимча киритади ва бу ҳақда бригада раҳбарига маълум қилади, у йўқ бўлган тақдирда ИИВ-ИИБ ёнгин хавфсизлиги бошқарма ва бўлим бошлиқларига маълум қилади.
ДЁН ёзма кўрсатмаси, бу ҳар бир ДЁН ходими ишининг асосий таркибий қисмларидан бири ҳисобланади. «Давлат ёнғин назорати тўғрисидаги Низом» талабаларига асосан аниқланган камчиликларни бартараф этиш учун корхона, муассаса ташкилот, раҳбарларига мансабдор шахслар ва бошқа масъул шахсларга ҳамда алоҳида фуқароларга кўрсатмалар ёзма равишда берилади.
Давлат ёнғин назорати ёзма кўрсатмаси 3 қисмдан иборат қилиб ёзилади.
1-Аниқлаштирувчи қисм. Назорат органи номи, объект раҳбари Ф.И.Ш., текширувчи ва қатнашган шахсларнинг Ф.И.Ш.лари, текширув ўтказилган жой ва санаси кўрсатилади.
2- Ёнғинга қарши тадбирлар қисми. Бу ерда аниқланган камчиликларни бартараф этиш учун белгиланган тадбирлар Ёнғин хавфсизлиги қоида талабларининг бандлари билан тасдиқланган холда ёзилади.
Тадбирлар икки қисмда ёзилади.
2.1. Аввалги ёзма кўрсатмадаги бажарилмаган тадбирлар.
Бу ерда бажарилмаган тадбирлар янги муддат белгиланмай қайта бажариш учун таклиф этилади. Тадбирлар қачондан бери бажарилмаётганлиги кўрсатилади. Бажарилиши шарт деб белгиланади ва янги муддат берилмайди.
2.2. Янги аниқланган камчиликлар қисми. Текширув давомида янги аниқланган камчиликлар Ёнғин хавфсизлиги қоида талабларининг бандлари билан тасдиқланган холда ёзилади. Бажарилиши учун муддат берилади.
3. Қайта назорат текширувлари натижаси қисми.
Ўтказилган қайта назорат текширувлари натижаси ёзилади. Белгиланган графаларда бажарилмаган тадбирларнинг тартиб рақами кўрсатилади. Инспектор ва вакилнинг имзолари билар тасдиқланади.