Energiyani ratsional iste’mol qilish haqida

Konveyer va nasoslarda energiya auditi

Qurilishda, konchilik ishlarida va shuningdek sanoatning boshqa sohalarida lentali konveyerlar sochiluvchi, donali va bo‘lakli materiallarni gorizontal va burchak ostida bir joydan ikkinchi joyga ko‘chirishda juda keng qo‘llaniladi. Bu qurilmalarda asosan 4A rusumli uch fazali rotori qisqa tutashtirilgan va faza rotorli asinxron motorlar ko‘llaniladi, ularning quvati bir necha yuz kVt gacha boradi. .

Ko‘p yuritmali konveyerlarda yukori sirpanishli yoki faza rotorli, og‘ir ishlab chiqarish rejimida ishlaydigan konveyerlarda ishga tushirish momenti katta bo‘ladigan asinxron motorlar qo‘llaniladi.

Konveyerlarni ishga tushirishda statik moment va inersiya momentlarining kattaligi va shular asosida o‘tish jarayoni vaqti uzayib ketishi natijasida motor chulg‘ami qiznb ketishi mumkin.Ishga tushirish vaqtida elektr energiyadan ratsional foydalanish maqsadida kuchlanishni pog‘onali rostlash qo‘llaniladi. Konveyerni ishga tushirish va tormozlash rejimlarida elektr energiya sarfini kamaytirish elektryuritma inersiya momentini kamaytirish, hamda bir motorni ikkita yarim quvvatiga teng motorlar bilan almashtirish hisobiga amalga oshirish mumkin. Ishlab chiqarishda turli rusumli va konstruksiyali nasos qurilmalar juda keng qo‘llaniladi. Ularning elektryuritmalari asinxron va sinxron motorlardan iborat bo‘lib, quvvati bir necha yuz vattdan to ming kilovattgachadir. Porshenli nasos eritma nasoslar suvoq materiallarini transportirovka qilish va suvoq ishlarini mexanizatsiyalashda qo‘llaniladi. Avtomatli uzgichlarni qo‘llash eritma bosimi oshishi vaqtida elektr energiya sarfini oshib ketishini cheklaydi.

Bo‘yash jarayonlarini mexanizatsiyalashda bo‘yoqchi stansiyalar va elektr bo‘yash pultlari qo‘llaniladi. Qum, maydalangan granit va boshqa tog‘ jinslarini suv bilan birga transportirovka qilishda R rusumli so‘ruvchi nasoslar qo‘llaniladi. Bundan tashqari har xil quvvatdagi suv nasoslari keng qo‘llaniladi.

Nasos qurilmalarida elektr energiyann tejash uchun quyidagilarni amalga oshirish kerak:

1. 
   Nasoslarni maksimal yuklanganligiga elektr energiyaning eng kam solishtirma qiymati to‘g‘ri kelishini hisobga olgan holda nasoslarni yuklanishini oshirish kerak. Agar suv o‘tkazgichning tavsifi nasos pasporti ko‘rsatkichlariga to‘g‘ri kelmasa nasosni almashtirish kerak bo‘ladi.
   
2. 
   Kam ish unumli nasoslarni yukori ish unumli va FIK yuqori bo‘lganlari bilan almashtirish kerak. Bunda elektr energiyaning iqtisodi hisobi quyidagi formula bilan aniqlanadi: