Energiyadan oqilona foydalanish to‘G‘risida I. Umumiy qoidalar 1-modda. Ushbu Qonunning maqsadi

20-modda. Qayta tiklanadigan energiya manbalaridan foydalanish
Energiya ta’minoti tashkilotlari jumlasiga kirmaydigan elektr va issiqlik energiyasi ishlab
chiqaruvchilar ana shu tashkilotlarning tarmoqlariga energiya ta’minoti tashkilotlari bilan
kelishilgan, markazlashtirilgan energiya ta’minoti tarmoqlari va manbalarining eng oqilona ish

---

rejimini ta’minlaydigan miqdorlarda va rejimlarda energiya berish huquqiga ega. Energiya ta’minoti
tashkilotlari mazkur ishlab chiqaruvchilardan energiyani belgilangan tartibda chiqariladigan
narxlar bo‘yicha o‘z tarmoqlariga qabul qilib olishni ta’minlashlari shart.
Oldingi
 tahrirga qarang.
Energiyadan oqilona foydalanish sohasidagi loyihalar va dasturlarga muvofiq bunyod
etilayotgan, qayta tiklanadigan energiya manbalardan foydalanadigan, ikkilamchi resurslar va
chiqindilarni ishlatadigan energetika qurilmalari uchun belgilanadigan elektr va issiqlik
energiyasining narxlari ana shu qurilmalar qurilishiga ketgan kapital mablag‘lar O‘zbekiston
Respublikasi Vazirlar Mahkamasi bilan kelishilgan muddatlarda jadal qoplanishini ta’minlashi lozim.
(20-moddaning ikkinchi qismi O‘zbekiston Respublikasining 2020-yil 14-iyuldagi O‘RQ-628-sonli 
Qonuni
tahririda — Qonun hujjatlari ma’lumotlari milliy bazasi, 15.07.2020-y., 03/20/628/1068-son)
Oldingi
 tahrirga qarang.
Energetika resurslaridan samarali foydalanilishini rag‘batlantirish maqsadida O‘zbekiston
Respublikasi Vazirlar Mahkamasi tomonidan belgilanadigan tartibda neft mahsulotlari, qozon-pech
yoqilg‘isi uchun mavsumiy narxlar hamda elektr va issiqlik energiyasi uchun mavsumiy tariflar,
shuningdek elektr energiyasi uchun sutkaning turli vaqtlari bo‘yicha tabaqalashtirilgan tariflar joriy
etiladi.
(20-moddaning uchinchi qismi O‘zbekiston Respublikasining 2020-yil 14-iyuldagi O‘RQ-628-sonli
Qonuni 
tahririda — Qonun hujjatlari ma’lumotlari milliy bazasi, 15.07.2020-y., 03/20/628/1068-son)