Endi ularga berilgan tavsiflarni o’qiymiz

Kishi qanday xarakter sohibi ekanligini aniqlashning yana bir usuli. Bu “ Temperament va Xarakter raqami”ni aniqlash. Ba’zan buni “Hayot yo’li raqami” deyishadi. Qanchalik to’g’ri noto’g’riligini tekshirishingiz mumkin.
Faqat hisoblashda adashmaslikka harakat qiling. Masalan, agar kishi 1989 – yil 16 – iyul ya’ni 16.07.1989 bo’lsa, unda raqamlarni bir xonali son chiqmaguncha qo’shib boraveramiz. 1990 – yil 25 –dekabr bo’lsa, 25.12. 1990.
Misol uchun : 1 + 6 + 0 + 7 + 1 + 9 + 8 + 9 = 41 = 4 + 1 = 5. Temperament raqami 5
2 + 5 + 1 + 2 + 1 + 9 + 9 + 0= 29 = 2 + 9 = 11= 1 + 1 = 2. Temperamant raqami 2
Endi ularga berilgan tavsiflarni o’qiymiz.

1 Umumiy ta’rif:

Bu raqam kuch, shuhrat, g’ayrat va buyuklik ramzidir. Bu raqamdagi kishi o’zi tanlagan yo’ldan hech qachon voz kechmaydi. Hamma narsada 1- bo’lishni xohlashadi, qiziqqon, aqlli, farosatli, hurmattalab, har qanday vaziyatda g’olib bo’lishni istashadi va bunga intilishadi, oldiga qo’ygan maqsadiga erishish uchun oldinga sabrsiz sakrashmaydi balki, aql va sabr bilan bu yo’lda nima qilib bo’lsa ham erishishga intilishadi. Ularda tug’ma sardorlik qobiliyati bor. Hayotga jiddiy qaraydigan kishilar bilan qiziqishadi, sevsa ham “Sevgining ko’zi ko’r, qulog’I kar “deb aytilgan naql aynan shu insonlarga mos. Martaba uchun ko’p narsani qurbon etishga qodirlar. Ular orasida san’atkor va siyosatchilar ko’p.
Ularga maslahat: faqat o’zingizni emas, atrofdagilarning his-tuyg’ularini hisobga olishga harakat qiling, ehtiyotkor bo’ling, hamma ishdan faqat o’zingizga foydasi bo’ladimi yo’qmi? deyishni kamaytiring, aks holda do’stlaringizdan ajrab qolishingiz mumkin. Orzularingiz va maqsadlaringizga albatta erishasiz. Omad!

Yigitlar: Qiziqqon, o’ziga ishongan, harakatchan, qo’rqmas, mard, to’g’riko’ngilli, qiyin vaziyatlarda ularga ishonish mumkin. Hamma narsani o’zi hal etishni, bag’rikenglik qilishni va buyruq berishni juda yaxshi ko’radi. Qaltis vaziyatlarda u juda qiziqqon ammo ko’p o’tmay hissiyotlarini yana jilovlaydi. Maqtashlarini unga ko’p e’tibor berishlarini istaydi va yaxshi ko’radi. Hayoti davomida uni o’rab turgan narsalarni egallashga, qo’lga kiritishga, hammadan ustun turishga intiladi. U bilan hayot qiziq ammo tinchlik degan narsa yo’q. Unga o’zining kuchli hislarini namoyish etishi muhimdir.

Qizlar: O’ziga ishongan, sabrli, aqlli, kuchli xarakter sohibasi, o’jar, oldiga qo’ygan maqsad sari astoydil harakat qiladi. Yaxshi suhbatdosh, farosatli, ba’zan qiziqqonligi tufayli o’ylamay ish qilib qo’yadi. U o’ziga faqat o’ziga ishonadi, atrofdagi voqea -hodisalarni boshqarib borishga intiliadi ammo, hamma aytganini qilaverganlarni yoqtirishmaydi. Hamma narsada oldinlikni istaydi. Rahbarlik hislatini kuchli namoyish etishiga qaramay ba’zida o’zi buni tan olmasa ham , u mehr-muhabbatga hamda e’tiborga muhtoj.

2 Umumiy ta’rif

Bu raqam kayfiyatda, harakatlarda, o’zini tutishida tenglikni ifodalaydi. Yumshoq xarakterli, har qanday muammolardan kompromislar izlaydigan, ko’p o’ylaydigan shaxslar. Do’stlariga, yaqinlariga va atrofdagilarga ko’p maslahat berib yurishadi. Ba’zan bu ularning o’zlarining ishlariga xalaqit berishi mumkin. Bu raqam o’t va suv, hayot va o’lim, boylik va kambag’allik orasi, yaxshilik va yomonlik orasini hamda tenglikni ifodalaydi. Siz har qanday vaziyatga moslasha olasiz va bundagi qonunlarni qabul qilishingiz mumkin. Siz haddan ziyod ishonchsizlik, saxiylik, chegaradan chiqib ketish hodisalaridan yiroqsiz. Bu ajoyib, siz faqat boshqalar haqida emas, balki o’zingiz haqingizda ham o’ylar ekansiz. Siz yaxshi maslahatchi, reja tuzuvchisiz ammo ijro etuvchi emassiz. Ko’pincha passiv va ajralib turishadi. Ish qilishdan ko’ra ko’proq o’ylashadi. Bu yaxshi. Rejalarini hamma vaqt ham ro’yobga chiqarishga ulgurishmaydi. Sevgi bobida ular o’zlarining kerakliklarini ,ularni cheksiz sevishlarini his etib tursalar, hammasi yaxshi, ammo sal shubha paydo bo’ldimi, tomom, rashkchi bo’lib anchagina o’ylamay ish qilib qo’yishlari mumkin. Ularda tez-tez tushkunlikka tushishga moyillik bor.
Ularga maslahat: sizga hamfikrli shaxslar, do’stlar kerak. Ammo bunday insonlarni tanlashingizda hissiyot bilan emas balki ko’proq aql bilan ish yuriting. Biroq hislaringizni yashirmang! Tinchliksevarlik hislatingizni sira yo’qotmang. Kelajagingiz porloq, omad!