Электроника ва радиотехника кафедраси

Барқарор ток генератори (БТГ)

• Энг содда БТГ схемаси 2.3-расмда кўрсатилган. Схемада I1 ток занжирига тўғри силжитилган диод уланишли, таянч транзистор деб аталувчи VT1 транзистор уланган. У жуда кичик қаршиликка эга. Шунинг учун VT1 кучланиш генератори вазифасини ўтайди. У RЮ бошқарилувчи занжир билан кетма-кет уланган VT2 транзисторнинг эмиттер-база ўтишини кучланиш билан таъминлайди.

Содда БТГ схемаси (2.3 расм)

Барқарор ток генератори (БТГ)

• VT2 транзистор эмиттер-база кучланиши билан бошқарилгани муносабати билан унинг хусусиятлари УБ схеманинг хусусиятларига мос келади. Маълумки, УБ уланган схемада актив режимда коллектор токи коллектордаги кучланишга деярли боғлиқ бўлмайди (2.3-расм). Шунинг учун ихтиёрий RЮ дан ўтаётган ток I2 таянч кучланиш UЭБ2 билан аниқланади. I2 = I1 эканлигини амалда кўрсатамиз.

Барқарор ток генератори (БТГ)

• IЭ1 ва IЭ2 токлар юқори аниқликда Iэ=I0 exp(Uбэ/φТ) (2.1) ифода билан аппроксимацияланади, бу ерда, I0 – тескари силжитилган ЭЎнинг тўйиниш токи. Транзисторларнинг IЭ0 ва φТ параметрлари айнан бир хил бўлгани учун UБЭ1= UБЭ2 шартдан IЭ1=IЭ2 (2.2) 2.3-расмдан, I1=Iэ1+Iб2 , I2=Iк2= Iэ2-Iб2
•  (2.2) ни эътиборга олган ҳолда I2=I1-2Iб2 (2.3) ёзиш мумкин. База токи коллектор токидан 50÷100 марта кичик бўлади. Шунинг учун ҳисоблашларда I2 = I1 деб олиш мумкин. Бундаги хатолик 1÷2% дан ошмайди. Демак, RЮ юклама занжиридаги чиқиш токи I2 , занжир қандай бўлишидан қатъий назар, кириш токини ҳам қиймат, ҳам йўналиш бўйича такрорлайди. Кириш токи қийматига келсак, у етарли аниқлик билан I1=(Im1-0.6-)/R га тенг.

Барқарор ток генератори (БТГ)

• I1 токнинг ўзгармаслиги барқарорлашган кучланиш манбаи ЕМ1 дан фойдаланиш ҳисобига эришилади. Натижада, I2 токнинг занжир параметрлари ЕМ2 ва RЮ га боғлиқлиги йўқотилади.
• Лекин бундай БТГда I2 токнинг температура бўйича барқарорлиги таъминланмайди, чунки база токи IБ2 температура ўзгаришларига жуда боғлиқ. I2 токнинг температура бўйича барқарорлигини таъминлаш учун мураккаброқ схемалардан фойдаланилади.

Назорат саволлари

• Аналог ИМСлар.
• АИМС ларга қўйиладиган талаблар.
• АИМСларнинг таснифланиши.
• Барқарор ток генератори (БТГ).
• Содда БТГ схемасининг ишлаш принципи.