Elektronika va avtomatika

4-bosqich.Mikrosxemani plyonkali passiv elementlarini qoplash.Yupqa plyonkali
elementlarni olishni bir necha yo’li mavjud. Eng ko’p tarqalishga vakuumli
changlatish va katodli changlatish erishdi. Vakuumli changlatishda talab qilingan
sxema rasmini olishda niqoblardan foydalaniladi. Bunda changlatish vakuumni 10
Pa gacha hosil qilgandan keyin amalga oshiriladi. Bu holatda changlatilgan modda
atomlari to’g’ri chiziq bo’ylab tarqaladi va ular asosga cho’kib plyonka qatlaqmini
hosil qiladi va u talab qilingan qalinlikka ega bo’ladi. Qiyin eriydigan ashyolardan
plyonka olish uchun katodli changlatishdan foydalaniladi. Changlatiladigan ashyo
katod sifatida xizmat qiladi.Anodga yuqori V li kuchlanish (20kV tartibida)
uzatiladi. Asos va niqob katoddan uncha uzoq bo’lmagan masofaga joylashtiriladi.
Qurilmadan havo so’rib olinadi, shundan keyin unga inert gaz kiritiladi, shunda
qopqoq ostida 0,1/1 Pa bosim hosil bo’ladi. Yuqori kuchlanish ta’sirida qurilmada
gazni ionlashishi sodir bo’ladi.Og’ir ionlar katodga tegib uni buzib yuboradi.
Katod zarralari turli tomonga uchib ketadi va asosga cho’kadi va u yerda kerakli
qalinlikdagi va shakldagi plyonkani hosil qilamiz.