Elektron pedagogika va innovatsion ta’lim

ELEKTRON PEDAGOGIKA VA INNOVATSION TA’LIM

1. Elektron pedagogikaning asosiy maqsadi

2.Elektron pedagogikada qo‘llanilayotgan raqamli metodlarning imkoniyatlari. Asosiy tushunchalar.
Elektron pedagogikaning asosiy maqsadi zamonaviy AKT (Axborot-kommunikatsiya texnologiyalari) muhitida ta’lim jarayonini samarali tashkil etishdan iborat. Elektron pedagogikaning predmeti pedagogik tizimdir.
Pedagogik tizim quyidagi tarkibiy qismlarni o'z ichiga oladi: o'qituvchi, o'quvchi, ta'limning maqsad va vazifalari, ta'lim mazmuni, ta'lim shakli, usul va vositalar. Zamonaviy AKT ushbu komponentlarning barchasiga hissa qo'shadi.
Elektron o‘quv majmuasi zamonaviy AKT muhitida fanning asosiy tarkibiy qismi bo‘lib, u fanning maqsad va vazifalari, mazmuni, zamonaviy shakllari, usullari va o‘qitish vositalarini hisobga oladi.
Ta’limning raqamli transformatsiyasi. Ta’lim tizimidagi о‘zaro bog‘liq bо‘lgan, uning barcha tarkibiy qismlariga (maqsadlarni belgilash, mazmun, о‘quv jarayoni, sifatni baholash, boshqarish) ta’sir etuvchi hamda raqamli va pedagogik texnologiyalarning о‘zaro moslashuviga asoslangan chuqur о‘zgarishlar majmuasi.
Raqamli didaktika. Raqamli didaktika - bu raqamli texnologiyalarni о‘rganadigan didaktika, informatika va boshqa fanlarning ilmiy g‘oyalarini о‘zaro о‘tkazish bilan tavsiflangan ilmiy bilimlarning integral sohasi. Raqamli jamiyatda о‘quv jarayonini tashkil etish fani. Raqamli ta’lim muhitida faoliyatni tashkil etish tizimi. Kontsepsiya shartli va tom ma’noda qabul qilinmasligi kerak, chunki raqamli didaktika mavzusi bu raqamli ta’lim vositalarining ishlashi emas, balki shaxsning (ta’lim oluvchi, ta’lim beruvchi) faoliyati.
Raqamli ta’lim muhiti. Axborot-kommunikatsiya infratuzilmasi mavjudligini nazarda tutuvchi va shaxsni о‘qitish, rivojlantirish, ijtimoiylashtirish va tarbiyalash uchun raqamli texnologiyalar va resurslar tо‘plamini ta’minlaydigan shart-sharoitlar va imkoniyatlar tizimi.