Elektron hujjat aylanish tizimi

Documentum Documentum - yirik korxonalar va tashkilotlarda hujjatlar, bilimlar va biznes-jarayonlarni boshqarishga imkon beruvchi tizimidir. Documentum - bu taqsimlangan arxivlarni yaratish, sifat standartlarini quvvatlash, taqsimlangan loyihaviy guruhlar loyihalarini boshqarish, korporativ ish yuritishni tashkil qilish, korporativ internet-portallarni dinamik boshqarish uchun mo’ljallangan. Documentum - etarlicha kengayuvchan bo’lib, tizimda saqlanayotgan barcha axborotlar DocsBase ombori - ajratilgan server bilan boshqariladi. Documentum axborotlar saqlanishini boshqarishga imkon beruvchi quyidagi mexanizmlarni o’z ichiga oladi: axborot versiyalari, nashr qilish, kirish, ularni joylashgan joyini boshqarishni quvvatlaydi va arxivatsiya qilishni amalga oshirishga imkon beradi.

LanDocs LanDocs tizimi birinchi navbatda ish yuritish va hujjatlarni arxivli saqlashga yo’naltirilgan. U bir nechta komponentlardan tashkil topgan: ish yuritish tizimi, hujjatlar (arxivlar) serveri, skanerlash va tasvirlarni vizuallashtirish quyi tizimlari, internet-mijoz, pochta serveridan foydalanish orqali masofadan turib kirishni tashkil qilish quyi tizimlari. Ish yuritish komponenti sanoat Oracle MBBT yoki Microsoft SQL Server asosida mijoz-server arxitekturasida ishlab chiqilgan. Har qanday tilni e’tiborga olgan holda hujjatlarni to’liq matnli qidirish moduli alohida optsiya sifatida etkazib beriladi.

Microsoff SharePoint Portal Server Tizim hamkorlikda ishlashni quvvatlovchi rivojlangan vositalarga ega bo’lgan elektron arxivdir. Hujjatlarni hamkorlikda yaratish, hujjat versiyalarini yuritish, arxivdan hujjatlarni olish va yana o’z joyiga qo’yish (check-out,check-in) kabi ishlarni quvvatlaydi. Arxivga kirish uchun Web- mijoz (tashqi ishlab chiqaruvchilar o`nga o’z komponentlarini kiritish mumkin) va arxivga fayllar to’plami sifatida murojaat qilishga imkon beruvchi Windows Explorerga birlashtirilgan komponentdan foydalaniladi.

Optima Workflow Tizim Optima Workflow deb nomlansada, aslida Workflow mahsulotdan bir muncha ustunroqdir. Bu tizim hujjatlar oqimini tashkil qilish umumiy mexanizmidan tashqari, ish yuritish mobaynida jarayonga taalluqli barcha hujjatlarni saqlab borishga imkon beradi. Optima Workflow hujjatlarni bu hujjatlar bilan bog’liq jarayonlar tugamaguncha saqlab turadi.