Elektron asboblar va mikroelektronika

Pretsizion rezistorlar
YUqori aniqlik (±0,05 ÷ 5%) va barqarorlikka (QTK≈10-4 ·1/0C) ega bo`lgan rezistorlar pretsizion rezistorlar hisoblanadi. Ularning nominal qarshiligi 1 Om ÷ 1 MOm, chegaraviy ishchi kuchlanishi bir necha yuz vol’tdan ortiq emas, nominal sochilish quvvati diapazoni 0,05 ÷ 2 Vt, chastota diapazoni – bir necha megagertslargacha, ishlash muddatining oxiridagi qarshilik o`zgarishi – bir necha foizdir. Pretsizion rezistorlar aniq o`lchov apparaturasida va maxsus ishga mo`ljallangan apparaturaning zanjirlarida, shuningdek, qarshilik magazinlarining elementlari sifatida, bo`lgichlar va yuqori aniqlikdagi shuntlar zanjirlarida hamda turli datchiklar va sxemalar yuklamasi sifatida ishlatiladi.
Pretsizion rezistorlarning ba`zi turlari 1.4– va 1.5–rasmlarda tasvirlangan.



1.4–rasm. Pretsizion rezistorlar.





1.5–rasm. O`zgaruvchan (sozlanuvchan) pretsizion rezistorlar.


YUqori chastota va o`ta yuqori chastotalarda ishlovchi rezistorlar
10 MGts dan yuqori bo`lgan radiochastotalarda o`z qarshiliklarini deyarli o`zgartirmaydigan rezistorlar yuqori chastotali rezistorlar hisoblanadi. Bunday rezistorlarning qarshiligi kichik ( 1 ÷ 100 Om), aniqligi ± (5÷20)% va barqarorligi o`rtacha (QTK 5·10-4 1/0C) bo`ladi. Nominal sochilish quvvati 0,1÷200 Vt oralig’ida, ishchi kuchlanishi bir necha yuz vol’tdan oshmaydi, qarshiligi esa, eskirish jaraѐnida 5÷15% dan ortiq o`zgarmaydi. YUqori chastotali rezistorlar, odatda apparatlarning yuqori va o`ta yuqori chastota yo`llarini konstruktsiyalashda moslashtiruvchi yuklama sifatida, shuningdek o`lchash, qabul qilish – uzatish va radiolokatsiya apparaturasida ishlatiladi.
Bu rezistorlarning asosiy xossasi yuqori chastotaligidir, bu xossa kesikning yo`qligi va emal’ qoplamasining bo`lmasligi hisobiga ta`minlanadi. Kesik bo`lmagani uchun rezistorda parazit sig’im yuzaga kelmaydi, shu sababdan uning qarshiligi chastotaga bog’liq bo`lmaydi. CHiqish simlarining yo`qligi parazit induktivlikni minimumga keltiradi. Bu ham rezistorlarning foydalanish chastota diapazonini kengaytiradi va nihoyat, emal qoplamining bo`lmasligi dielektrikning tok o`tkazuvchi qatlamga bo`lgan shuntlovchi ta`sirini kamaytiradi va O`YUCH diapazonida cheklovchi omil bo`lgan sochiluvchi quvvatning rezistorlar sirtidan issiqlik tarqatishini yaxshilaydi. YUqori chastotali rezistorlarning ba`zi turlari 1.6 – rasmda keltirilgan.
O`YUCH rezistorlari alohida guruhni tashkil etadi va 10 GGts gacha bo`lgan chastotalarda ishlay oladi. Bu rezistorlar –60÷+85 va hatto +125ºC gacha temperatura diapazonida, 7,5 ÷ 40 g bo`lgan tebranishlar, 35 ÷ 150 g bo`lgan zarbalarda, 666 ÷ 1,33·10-4 Pa bo`lgan past atmosfera bosimida ishlashga mo`ljallangan.



1.6–rasm. YUqori chastotali, yuqori omli, yuqori vol’tli va
maxsus rezistorlar.