Elektr tokinin’ adam organizimine ta’siri

Ҳаво электр узатиш тармоқлари трассасини дарахтлардан тозалаш

• Дарахтларни йиқитишдан олдин иш жойи тозаланиши керак. Қиш пайтида йиқилаётган дарахтдан сақланиш мақсадида, унинг ағанашига қарама-қарши томонга қараб, қордан тозаланган 5-6 м узунликда иккита йўлакча очилиши керак. Кесилаётган ёки арраланаётган дарахтлар устига чиқиш ман этилади. Ишбоши барча бригада аъзоларини иш бошлашдан олдин, ағанаётган дарахтлар, арқонлар ҳаво электр узатиш тармоқлари симларига яқинлашиш хавфи борлиги тўғрисида огоҳлантириши шарт.
• Дарахтларнинг симлар устига ағанашини олдини олиш учун уларни кесишдан олдин тортқи билан тортиб қўйиш зарур. Дарахт симларга ағанаган тақдирда, ҳаво электр узатиш тармоғидан кучланишни олмасдан туриб, унга 8 м гача масофага яқинлашиш ман этилади. Арракашлар, ағанатилаётган дарахтни тушиши тўғрисида, бошқа ишчиларни олдиндан огоҳлантиришлари шарт. Дарахт ағанаши мўлжалланган томонда, ҳамда унинг қарама-қарши томонида туриш ман этилади. Дарахтни, маълум қисмини кесмасдан ёки арраламасдан, бутунлай арралаб ағдариш ман қилинади. Қийшайган дарахтни эгилган томонга ағанатиш зарур.

Ҳаво электр узатиш тармоқларини кўрикдан ўтказиш ва текшириш

• Ҳаво электр узатиш тармоқларини ёки ўчириш-ёқиш пунктларини кўрикдан ўтказиш жараёнида, бирон-бир таъмирлаш ва тиклаш ишларини бажариш, шунингдек устунларга ва унинг конструктив бўлакларига кўтарилиш ман этилади. Ҳаво электр узатиш тармоқлари устунларига кўтарилиб текширишга рухсат этилади.
• Ўтиш қийин жойларда (ботқоқ, сув тўсиқлари, тоғ, ўрмон ва ҳоказо) ва ҳаво айниган шароитларда, ҳамда куннинг қоронғи пайтларида ҳаво электр узатиш тармоқларини кузатувдан ўтказиш, II гуруҳга эга бўлган икки ходим томонидан амалга оширилиши керак. Қолган пайтларда ҳаво электр узатиш тармоғини текширувдан ўтказиш II гуруҳга эга бўлган бир ходим томонидан амалга оширилиши мумкин.
• Кунни қоронғи пайтида ҳаво электр узатиш тармоғини назоратдан ўтказишда симлар остидан юриш ман қилинади. Ҳаво электр узатиш тармоғини носоз жойини қидираётганда кўрикдан ўтказувчида ўзи билан огоҳлантирувчи белги ёки шиорлар бўлиши зарур.