Электр таъминоти ва электр тармоšлари

Кабинага электр сими ва унга ток бериш

5.5.6. Машина хонасида, лифт (кўтаргич) шахтасида ва кабинадаги электр сим 2.1 ва 3.4 бобдаги талабларга, ҳамда қуйидаги талабларга тўғри келиши керак:

1. Электр сими изоляцияланган симлар ёки резинали ёки унга танг бўлган изоляцияли кабеллар асосида бажарилиши керак; Бўктирилган кабел қоғозидан тайёрланган изоляцияли куч ва назорат кабелларнни ишлатиш мумкин эмас.
2. Кабел ва симлар томирининг кесим юзаси, мис томирлар учун – 1,5 мм² дан кичик ва алюмин томирлар учун – 2,5 мм² дан кичик бўлмаслиги керак.
Бошқариш занжири қисқичларининг қаватли қаторларида ва кабинадаги қисқичлар қаторларидан щахта ва кабинада ўрнатиладиган аппаратларгача бўлган участкаларда, ҳамда лифтдан хавфсиз фойдаланишни таъминловчи ёки тез-тез зарба ва тебранишларга дучор бўладиган бошқариш занжирининг участкаларида мис томирли сим ва кабеллар ишлатилиши керак. Кўп симчалардан иборат мис томирли сим ва кабеллар қўлланилганда уларнинг кесим юзаси камайтирилиши мумкин: хавфсизлик аппаратларининг уланиш занжирларида – 0,5 мм² гача, қолган занжирларда – 0,35 мм² гача.
3. Лифт аппаратларини ва комплект қурилмаларини монтажи мисли симлар билан бажарилиши керак.
4. Симларнинг учи лойиҳага мувофиқ белгиланган бўлиши керак.
5.5.7. Кабинага, ҳамда посангига (противовесга), агар унда ўчиргич - ушлаб тургич ўрнатилган бўлса, ва бошқа аппаратларга ток бериш эгилувчан кабеллар ёки кесим юзаси 0,75 мм² дан кичик бўлмаган мис томирли умумий резинали ёки у билан бир хил шланга жойлаштирилган эгилувчан симлар билан бажарилиши керак.
Ток берувчида, умумий ишлатилаётган томирлар сонининг 5% идан кам бўлмаган, лекин иккита томирдан кам бўлмаган, резерв томирлар кўзда тутилиши керак.
Кабеллар ва шланглар ўз оғирлиги юкламаларини қабул қилиши бўйича ҳисобланиши керак. Уларни тутиб турувчи пўлат троссга махкамлаб кучайтириш мумкин.
5.5.8. Ток берувчининг кабеллари ва шланглари шундай жойлаштирилиши ва махкамланиши керакки, бунда кабина харакатланаётганда унинг шахтадаги конструкцияларига тегиб кетиши ва механик шикастланиши мумкин бўлмасин. Ток берувчи учун бир нечта кабеллар ёки шланглар қўлланилганда улар бир-бири билан бириктирилган бўлиши керак.