Электр таъминоти ва электр тармоšлари

Симларни таянчларда жойлашиши

2.4.19. Иқлим шароитидан қатъи назар, фаза симларини таянчга ҳар қандай жойлаштирилишига руxсат берилади. Нол сими, одатда, фаза симлари остига жойлаштирилиши керак. ВЛ симлари билан биргаликда таянчларда тармоқланган ташқи ёритиш симлари, одатда, нол симдан пастда жойлашган бўлиши керак.

2.4.20. Таянчларда ўрнатиладиган эрувчан сақлагичлар, шунингдек, ҳимоя қилувчи, ажратувчи ва бошқа қурилмалар ВЛ симларининг остига жойлаштирилиши керак.
2.4.21. Таянчларда симлар ўртасидаги масофа ва улар ораси (пролет)да симларни осилиши 1,2 м гача бўлганда симларни бир-бирига яқинлашиш масофаси қуйидагидан кам бўлмаслиги керак:
а) симлар вертикал жойлашганда ва улар горизонтал ҳолатдан 20 см дан ошмаган пастга тушиш жойларида: музлаш бўйича I, II ва III ҳудудларда 40 см; музлаш бўйича IV ва алоҳида ҳудудларда 60 см;
б) симларнинг бошқа усулда жойлашувида музлаш барча ҳудудларида шамол тезлиги: 18 м/с гача-40 см, 18 м/с дан ортиқ-60 cм.
Симларни осилиши 1,2 м дан ортиқ бўлганда, кўрсатилган масофалар, шуларга нисбатан мутаносиб равишда қабул қилиниши керак.
ВЛ дан киришгача бўлган шаҳобчаларда ҳамда турли ВЛларни уумий таянчларда кесишган жойларида таянчдаги турли фаза симлари орасидаги вертикал масофа 10 см дан кам бўлмаслиги керак. Кириш изоляторлари ўқлари орасидаги масофа 20 см дан кам бўлмаслиги лоизм.
2.4.22. Таянчларда тушиш жойларида симлар орасидаги горизонтал масофа 15 см дан кам бўлмаслиги керак. Симлардан таянч юзасигача, траверсгача ёки бошқа таянч элементларига бўлган масофа 5 см дан кам бўлмаслиги бўлиши лозим.
Таянчларни ўзида ва шамолсиз атроф-муҳит ҳавоси ҳарорати 15⁰С бўлганда таянчлар оралиғи (пролет)да умумий таянчдаги ВЛИ билан кучланиши 1000 Вгача бўлган ВЛ орасидаги вертикал масофа 0,4 м бўлиши керак.
Икки ёки ундан ортиқ ВЛИ умумий таянчларда биргаликда тармоқланганда, эшилган CИП кабеллари орасидаги масофа камида 0,3 м бўлиши керак.
Изоляция

2.4.23. Штирли изоляторларининг мустахкамлик чегараси коэффициенти 2,5 дан кам бўлмаслиги керак.

2.4.24. ВЛдан шаҳобчаланган жойларда, қоида тариқасида, кўп бўғимли (многошейковые) ёки қўшимчали (подставные) изоляторлардан фойдаланиш керак. Нол симлар изоляторларга мустахкамланиши керак.
Ўзини-ўзи тутиб турувчи изоляцияланган симлар (СИП)ни таянчда тармоқлаш, изоляторлардан фойдаланмасдан амалга оширилади.